قازاقستاندا اقشا-نەسيە ساياساتىنىڭ جاڭا قۇرالى ەنگىزىلەدى
«اقشا-كرەديت ساياساتىنىڭ ترانسميسسيالىق تەتىگىنىڭ تيىمدىلىگىن ارتتىرۋ، سونداي-اق تۋىندى قارجى قۇرالدارىنىڭ نارىعىن دامىتۋ ماقساتىندا ۇلتتىق بانك «قازاقستان قور بيرجاسى» اكسيونەرلىك قوعامىنىڭ الاڭىندا وتىمدىلىكتى ۇسىنۋ، سول سياقتى الۋ بويىنشا ءبىر كۇن مەرزىمىنە ۆاليۋتالىق سۆوپ وپەراتسيالارىن جۇزەگە اسىرۋدى باستاۋ تۋرالى شەشىم قابىلدادى»، - دەلىنگەن باسپا ءسوز حابارلاماسىندا.
ۆاليۋتالىق سۆوپ ارقىلى ۇلتتىق ۆاليۋتادا وتىمدىلىكتى ۇسىنۋ ۇلتتىق بانكتىڭ بازالىق مولشەرلەمەسى بويىنشا پليۋس جىلدىق %2 پەن (ەكى پروتسەنتپەن) جۇزەگە اسىرىلادى. وپەراتسيالاردى جۇرگىزۋ ارقىلى ۇلتتىق ۆاليۋتادا وتىمدىلىكتى الۋ اقشا جانە ۆاليۋتا نارىقتارى اراسىنداعى ءوزارا بايلانىستى قامتاماسىز ەتەتىن ا ق ش پەن قازاقستان مولشەرلەمەلەرىنىڭ ديففەرەنتسيالىن ەسكەرە وتىرىپ ەسەپتەلگەن فورمۋلاعا سايكەس پايىزدىق مولشەرلەمە بويىنشا جۇزەگە اسىرىلاتىن بولادى:
(R_KZT - R_USD) /(1 + R_USD)
مۇندا،
R_KZT - ۇلتتىق بانكتىڭ بازالىق مولشەرلەمەسى مينۋس جىلدىق %1 (ءبىر پروتسەنت)؛
R_USD - Bloomberg نەمەسە Thomson Reuters اقپاراتتىق رەسۋرستارىنىڭ دەرەكتەرى بويىنشا الدىڭعى جۇمىس كۇنى ءۇشىن ا ق ش دوللارى بويىنشا ءبىر كۇندىك LIBOR مولشەرلەمەسى.
تۇراقتى قولجەتىمدىلىك وپەراتسيالارى بويىنشا مولشەرلەمەلەر دالىزىنە قاتىستى سۆوپ وپەراتسيالارى بويىنشا مولشەرلەمەلەردىڭ بارىنشا كەڭ ءدالىزى تەڭگەلىك وتىمدىلىكتى تارتۋ كەزىندە كەپىلدى قامتاماسىز ەتۋ رەتىندە شەتەل ۆاليۋتاسىن پايدالانۋدى ىنتالاندىرماۋعا باعىتتالعان.
ۆاليۋتالىق سۆوپ وپەراتسيالارى ارقىلى وتىمدىلىكتى الۋ بويىنشا ۇلتتىق بانك وپەراتسيالارىنىڭ كۇن سايىنعى كولەمى 500000000 (بەس ءجۇز ميلليون) ا ق ش دوللارى مولشەرىندە ليميتتەلەدى.
