جالعاس جۇماعۇلوۆ تايسون نەمدى ايقىن باسىمدىقپەن ۇتتى
سپورتشىلار 56,7 كەلى سالماق دارەجەسىندە كۇش سىناستى. ءبىرىنشى راۋندتا تايسون نەم جالعاستى اياعىنا جۋىتپاي تىكە تۇرىپ شابۋىل جاساۋعا ماجبۇرلەدى. جۇماعۇلوۆ قارسىلاسىنىڭ وسى ارەكەتىنە كونىپ، قارسىلاسىمەن جۇدىرىق الماستى. نەم سول قولمەن تۋرا سوققىلاردى جانە بۇيىردەن سوققىنى كوبىرەك جۇمساسا، جالعاس كوبىنەسە اپپەركوت (اعىلش. uppercut- بوكستا تومەننەن ۇرۋ - رەد.) جاساپ، اينالىپ سوقتى.
بەس راۋندقا سوزىلعان ايقاس ەكى سپورتشىعا دا وڭاي سوقپادى. ءبىر مارتە جالعاس اياقتان شاپ بەرىپ، الىپ جىقتى. تايسون ۇيرەنشىكتى نوكاۋتقا تۇسىرەتىن سوققىسىن جاساۋعا قانشا وڭتايلانعانىمەن جالعاس قارسىلاسىنان وڭاي سىتىلىپ كەتىپ، وعان مۇمكىندىك بەرمەدى.
نەمنىڭ ءار قاتەلىگى جالعاستىڭ اۋىر سوققىسىمەن اياقتالىپ جاتتى.
جەكپە-جەك سوڭعى راۋندتىڭ اياقتالعانىن بىلدىرگەن دابىل سوعىلعانشا جالعاستى.
جەكپە-جەكتىڭ جەڭىمپازى جالعاس جۇماعۇلوۆ دەپ تانىلدى.
قازاقستاندىق وسىمەن 11- مارتە جەڭىسكە جەتسە، ونىڭ قارسىلاسى تايسون نەم سپورتتاعى مانسابىندا توعىزىنشى مارتە جەڭىلىسكە ۇشىراعان.
