اتىراۋدا دجيپ جايىق وزەنىنە ءتۇسىپ كەتتى - ۆيدەو
وسىنداي ۆيدەو الەۋمەتتىك جەلىدە تارالىپ، ونى وبلىستىق ت ج د راستادى، دەپ حابارلايدى قازاقپارات ءتىلشىسى.
«وقىس وقيعا وبلىس ورتالىعىندا جايىق وزەنىندە بولدى. جاعالاۋعا كەلگەن «Toyota Land Cruiser 100» جۇرگىزۋشىسى كولىگىنىڭ تەجەگىشىن قوسىپ قويۋدى ۇمىتىپ كەتكەن. كولىك بيىكتەۋ تۇستان ورنىنان قوزعالىپ جىلجىپ بارىپ جايىققا ءتۇسىپ كەتكەن. وزەنگە 15 مەتر جەرگە شەيىن كىرىپ كەتكەن جول تالعامايتىن كولىكتى باتىس وڭىرلىك اەروموبيلدىك جەدەل-قۇتقارۋ جاساعىنىڭ قىزمەتكەرلەرى جاعالاۋعا سۇيرەپ شىعاردى. قۇتقارۋشىلاردى كولىك يەسى ءوزى شاقىرعان»، - دەپ حابارلايدى اتىراۋ وبلىستىق ت ج د.
