قازاقستان ارۋى الفيا ەرسايىن اقشالاي سىيلىعىن قايدا جۇمسايتىنىن ايتتى

«قازاقستان ارۋى» اتانعانىما وتە قۋانىشتىمىن. جەڭىپ العان 3 ميلليون تەڭگەنى قايىرىمدىلىق قورىنا، بالالار جانە قارتتار ۇيلەرىنە كومەك رەتىندە بەرۋدى جوسپارلاپ وتىرمىن»، - دەدى ول بەيبىتشىلىك جانە كەلىسىم سارايىندا وتكەن بايقاۋدان كەيىن تىلشىلەرگە بەرگەن سۇحباتىندا.

بۇدان بۇرىن حابارلانعانداي، «قازاقستان ارۋى» اتاعىنا اتىراۋ وكىلى، 16 جاسار الفيا ەرسايىن لايىقتى دەپ تانىلدى. ول بۇگىندە اتىراۋ گۋمانيتارلىق كوللەدجىنىڭ ستۋدەنتى. ايتا كەتەيىك، «قازاقستان ارۋى» بايقاۋىندا باق سىناۋ ءۇشىن استاناداعى فينالدىق كەزەڭگە ەلىمىزدىڭ تۇكپىر- تۇكپىرىنەن 30 بويجەتكەن جينالدى. بايقاۋ بارىسىندا قازىلار القاسى فينالعا شىعاتىن تەك 5 ارۋدى ىرىكتەدى. ولاردىڭ اراسىندا دينارا بايمۇراتوۆا (سەمەي، 17 جاستا)، ءسابينا ازىمبايەۆا (الماتى، 18 جاستا)، مايمۋنا كۇلكەشيەۆا (استانا، 19 جاستا)، الفيا ەرسايىن (اتىراۋ، 16 جاستا)، ەكاتەرينا دۆورەتسكايا (قاراعاندى، 19 جاستا) بار.

بۇدان كەيىن ەلىمىزدىڭ ءبىرىنشى ارۋىن ءداستۇرلى تۇردە قازاقستان حالقى تىكەلەي ەفير ارقىلى وتكىزىلەتىن ونلاين جانە س م س داۋىس بەرۋ ارقىلى تاڭدادى. ناتيجەسىندە، باسىم داۋىس جيناعان «قازاقستان ارۋى-2018» بايقاۋىنىڭ جەڭىمپازى اتاندى.

ءبىرىنشى ۆيتسە- ميسس اتاعىن ە. دۆورەتسكايا السا، ەكىنشى ۆيتسە- ميسس بولىپ م. كۇلكەشيەۆا تانىلدى. ءۇشىنشى ۆيتسە- ميسس اتاعىنا د. بايمۇراتوۆا يە بولدى.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى