ەلباسىنىڭ «تاۋەلسىزدىك ءداۋىرى» كىتابى گرۋزيادا تانىستىرىلدى
شاراعا گرۋزيا ۇلتتىق عىلىم اكادەمياسىنىڭ مۇشەلەرى، جوعارى وقۋ ورىندارىنىڭ مۇعالىمدەرى، جۋرناليستەر مەن ستۋدەنتتەر قاتىستى.
گرۋزيا ۇ ع ا پرەزيدەنتى، اكادەميك گەورگي كۆەسيتادزە ءوز سوزىندە پرەزيدەنت نۇرسۇلتان نازاربايەۆپەن ءۇش مارتە كەزدەسكەنىن جانە ونىڭ باسشىلىعىمەن قازاقستان جاھاندىق سىن-قاتەرلەردى سەنىمدى ەڭسەرىپ كەلە جاتقانىن باسا ايتتى.
«مەملەكەت - ءتىرى اعزا. ال اتالعان اعزانى قالىپتاستىراتىن، ناقتى بەلگىلەنگەن پارامەترلەرگە سايكەس ءاربىر ەلەمەنتىنىڭ تولىققاندى دامۋىن قامتاماسىز ەتەتىن جانە ونىڭ سەنىمدى قىزمەتىنە كەپىلدىك بەرەتىن قازاقستاندىق مودەل - بازالىق ماتريتسا»، - دەيدى ول.
سونىمەن قاتار گ. كۆەسيتادزە ۇلتارالىق كەلىسىمنىڭ قازاقستاندىق مودەلىنىڭ حالىقارالىق دەڭگەيدە مويىندالۋى دا توسىن جايت ەمەستىگىن باسا ايتتى.
قازاقستاننىڭ گرۋزياداعى ىستەرىنىڭ ۋاقىتشا سەنىمدى وكىلى گۇلميرا سۇلتانالى دە ءسوز سويلەپ، مەملەكەت باسشىسىنىڭ قازاقستاندىق مەملەكەتتىلىكتى قالىپتاستىرۋ، ۇلت پەن ەلدى قايتادان ورلەتۋ جولىنداعى ەرەن ەڭبەگىنە كەڭىنەن توقتالدى.
شارا بارىسىندا نۇرسۇلتان نازاربايەۆ كىتاپتارىنىڭ جانە قازاقستانعا تۋرالى كورمە ۇيىمداستىرىلدى.
