باتىس قازاقستاندا سۋ دەڭگەيى كوتەرىلەدى

بۇل تۋرالى وبلىس اكىمى التاي كولگىنوۆتىڭ توراعالىعىمەن وتكەن وبلىستىق سۋ تاسقىنىنا قارسى شتابتىڭ كەزەكتى وتىرىسىندا ءمالىم بولدى، دەپ حابارلايدى قازاقپارات ءتىلشىسى.

«قازگيدرومەت» ر م ك ب ق و فيليالى ديرەكتورىنىڭ ورىنباسارى دانيار يسمۋرزيننىڭ ايتۋىنشا، 31- ناۋرىز - 6- ءساۋىر ارالىعىندا كۇن جىلىنىپ، قار ەرىپ، جاۋىن-شاشىننىڭ تۇسۋىنە بايلانىستى سۋ دەڭگەيى كوتەرىلىپ، تاسۋى دا ىقتيمال. سوندىقتان ساقتىق شارالارىن الۋ قاجەت-اق.

ب ق و ت ج دەپارتامەنتىنىڭ باسشىسى جاسۇلان جۇماشەۆتىڭ سوزىنە قاراعاندا، سۋ تاسقىنى جاعدايىنا كۇن سايىن مونيتورينگ جاسالۋدا. كۇنى بۇگىنگە دەيىن 500 مىڭنان استام تەكشە مەتر قار شىعارىلىپ، 17 مىڭعا جۋىق تەكشە مەتر سۋ سورىلدى. وزەندەردە مۇز كەپتەلىسى ورىن الماس ءۇشىن 215 مىڭ شارشى مەتر اۋداننان 34346 ويىق ويىلدى. بيىل ءتيىمدى بولعاندىقتان، مۇزدى جارۋ ەمەس، كەسۋ جۇمىستارى اتقارىلۋدا.

وبلىستا رەسپۋبليكالىق ماڭىزى بار اۆتوكولىك جولدارىنداعى بارلىق سۋ وتكىزگىش ارىقتار تازارتىلدى. جەرگىلىكتى جولدارداعى ارىقتاردىڭ 86 پايىزى ارشىلعان، بۇل جۇمىس جالعاسۋدا. قازىرگى تاڭدا وزەندەردەگى ءقاۋىپتى تۇستار انىقتالىپ، ولارعا ەكى اۋىسىمدىق كەزەكشىلىك قويىلعان. 10- ساۋىردەن باستاپ ت ج دەپارتامەنتى ءۇش اۋىسىمدىق قىزمەت تۇرىنە كوشەدى.

ءوڭىر باسشىسى ءتيىستى قىزمەتتەرگە، سونداي-اق قالا مەن اۋداندار اكىمدەرىنە كوكتەمگى سۋ تاسقىنىن قاۋىپسىز وتكىزۋ ءۇشىن بارلىق شارالاردى الۋدى تاپسىردى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى