گولوۆكين ريەۆانشتىڭ بولماي قالۋ ىقتيمالدىعىنا پىكىر ءبىلدىردى

«مەن 5- مامىردا رينگكە شىعۋعا دايىنمىن. قارسىلاسىم «كانەلو» نەمەسە «كانەلو» ەمەس». بۇل گولوۆكيننىڭ الۆارەستىڭ دوپينگ داۋىنا قاتىستى ايتقان ءسوزى»، - دەپ جازادى HBO ساراپشىسى ريكاردو سەليس ءوزىنىڭ تۆيتتەردەگى پاراقشاسىندا. ريكاردو سەليس قازاقستاندىق بوكسشىمەن «اندرە گيگانت» فيلمىنىڭ تۇساۋكەسەرىندە سۇحباتتاسقان ەدى.

ەسكە سالا كەتسەك، ساۋل الۆارەس نيەۆادا شتاتى اتلەتيكالىق كوميسسياسىنىڭ (NSAC) شەشىمىمەن ۋاقىتشا سپورتتان شەتتەتىلگەن ەدى.

ناۋرىز ايىنىڭ باسىندا ساۋل الۆارەستەن الىنعان دوپينگ-سىنامالاردىڭ بىرىنەن تىيىم سالىنعان پرەپارات تابىلدى. ونىڭ مۇددەسىن قورعايتىن Golden Boy پروموۋتەرلىك كومپانياسى بوكسشىنىڭ قان قۇرامىنان تىيىم سالىنعان پرەپارات - كلەنبۋتەرول تابىلعانى تۋرالى اقپاراتتى راستادى.

گولوۆكين مەن الۆارەستىڭ ريەۆانشى اعىمداعى جىلدىڭ 5- مامىرىنا جوسپارلانعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى