استانانىڭ تەرگەۋ يزولياتورىندا «قازاۆتوجولدىڭ» ەكس-باسشىسى اسىلىپ قالدى

«قازاۆتوجول» مەكەمەسىنىڭ باتىس قازاقستان وبلىستىق فيليالىنىڭ بۇرىنعى ديرەكتورى ءىرى كولەمدە پارا بەردى دەپ 3 جىلعا سوتتالعان بولاتىن.

نىعمەتوۆ استاناداعى تەرگەۋ يزولياتورىندا اسىلىپ قالعان. سۋيتسيدكە بارۋىنىڭ سەبەبى ءالى بەلگىسىز.

«ءوز وزىنە قول جۇمساۋ فاكتىسىن راستايمىز. سوتقا دەيىنگى تەرگەپ-تەكسەرۋلەردىڭ ءبىرىڭعاي تىزىلىمىندە تىركەلدى. ءتيىستى ورگاندار تەكسەرۋ جۇمىستارىن جۇرگىزىپ جاتىر. سوتتالعان تەرگەۋ يزولياتورىندا شارۋاشىلىق جۇمىستارىن اتقارىپ جۇرگەن. ءولىم الدىنداعى حاتتى قالدىرعان جوق»، - دەدى قىلمىستىق-اتقارۋ جۇيەسى كوميتەتىنىڭ باسپا ءسوز قىزمەتكەرى اعىلاي تۇرلانوۆا.

ەستەرىڭىزگە سالساق، «قازاۆتوجولدىڭ» باسشىلارى مەن ايماق فيليالدارى باسشىلارىنان قۇرالعان 20 وكىلى ءىرى كولەمدە پارا بەرۋ دەرەگىمەن ۇستالعان ەدى. سولاردىڭ اراسىندا ءادىل نىعمەتوۆ تە بار. ولار بيۋجەت قارجىسىن يگەرۋدەگى قۇيتۇرقىلىقتارىن جابۋ ءۇشىن ەسەپ كوميتەتىنىڭ 2 قىزمەتكەرىنە 16 ميلليون تەڭگە پارا بەرمەكشى بولعان. اقىرىندا نىعمەتوۆ 3 جىلعا قامالدى. الايدا، ءوزىن كىناسىزدىگىن دالەلدەمەك بولعان ول اپەللياتسيالىق شاعىم تۇسىرگەنىمەن، ۇكىم وزگەرىسسىز قالعان. ءسويتىپ، ول تەرگەۋ يزولياتورىنا جابىلىپ، سوڭعى كاسساتسيالىق سوتتى كۇتىپ جاتقان بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى