جەتى پروتسەنتتىك يپوتەكامەن بانككە قانشا اقشا قايتارامىز

ق ر ۇلتتىق بانكى ءتوراعاسىنىڭ ورىنباسارى ولەگ سمولياكوۆتىڭ ايتۋىنشا، 7 پروتسەنتتىك يپوتەكامەن اينالىساتىن كومپانيانىڭ اتاۋى ءالى انىقتالعان جوق. ونىڭ بارلىعى باعدارلاما تالاپتارىمەن بىرگە بەكىتىلەدى. دەگەنمەن، بانك باسشىلىعى ارزان يپوتەكانىڭ قايتارىمىن ەسەپتەپ قويدى.

«مىسالى، استانا، الماتى، اتىراۋ مەن اقتاۋ ءۇشىن يپوتەكانىڭ ەڭ جوعارى مولشەرى - 25 ميلليون تەڭگە بولادى. باسقا قالالار ءۇشىن 10 ميلليون، ال اۋدانداردا ارزان يپوتەكانىڭ شەكتى سوماسى 7 ميلليون بولادى. ءبىز اتالعان اقشانىڭ قايتارىمىن دا ەسەپتەپ قويدىق. نەسيەنىڭ 112-115 پروتسەنتىن جانە يپوتەكانىڭ ءوزىن قايتارۋ قاجەت. دەمەك، ادام 25 ميلليون تەڭگە السا، 25  جىلدا ونى شامامەن 50 ميلليون ەتىپ قايتارادى» ، - دەدى و. سمولياكوۆ قازاقپارات تىلشىسىنە بەرگەن سۇحباتىندا.

ايتا كەتەيىك، ءىرى قالالاردا ارزان يپوتەكانىڭ شەكتى مولشەرى 25 ميلليون تەڭگە بولسا، ونىڭ سىرتىندا تاعى 20 پروتسەنتتىك العاشقى جارنا بار. سوندا استانا، الماتى، اتىراۋ مەن اقتاۋ قالالارىنىڭ تۇرعىنى 30 ميلليوننىڭ پاتەرىن 7 پروتسەنتتىك نەسيەگە الا الادى. بارلىق نەسيەلەر تەك تەڭگەمەن عانا بەرىلەدى.

اۆتور: ارمان اسقاروۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى