دانيار اقىشيەۆ قازاقستاندا جۇرگىزىلىپ جاتقان اقشا- نەسيە ساياساتى تۋرالى ايتتى

مۇنداعى شارالار ارقىلى 2020 -جىلعا دەيىن ينفلياتسيا بويىنشا 4 پايىزدىق ورتاشا مەرزىمدى ماقساتقا قول جەتكىزۋ كوزدەلگەن. بۇل تۋرالى «قازاقپارات» ح ا ا- نىڭ مەنشىكتى تىلشىسىنە ماسكەۋدەگى ە ا ە و مۇشە- مەملەكەتتەردىڭ كونسۋلتاتيۆتىك كەڭەسىنىڭ وتىرىسىنا كەلگەن ق ر ۇلتتىق بانكىنىڭ باسشىسى دانيار اقىشيەۆ ايتىپ بەردى.

ول ءوز سوزىندە الداعى 2 -جىلعا ينفلياتسيا بويىنشا ماقساتتى ارالىق پارامەترلەر بەلگىلەنگەنىن اتاپ ءوتتى. ناقتىراق ايتقاندا، ينفلياتسيا بويىنشا كورسەتكىشتى 2018 -جىلى 5-7 پايىزعا، 2019 -جىلى 4-6 پايىزعا جەتكىزۋ كوزدەلگەن.

«ۇلتتىق بانك دالمە- ءدال ءتۇسىمدى قالىپتاستىرۋ مەن حالىقتىڭ ينفلياتسيالىق كۇتىمىن تۇراقتاندىرۋ بويىنشا ترانسميسسيالىق مەحانيزمدەردىڭ ارنالارىن جەتىلدىرۋ جۇمىسىن جالعاستىرادى. قوسىمشا شارالاردىڭ قاتارىندا - بانك سەكتورىن ساۋىقتىرۋ، ەكونوميكانى دوللارسىزداندىرۋعا جىگەرلەندىرۋ، ۆاليۋتالىق رەتتەۋ مەن ۆاليۋتالىق باقىلاۋدى وڭتايلاندىرۋ بويىنشا قادامدار بار» ، - دەدى دانيار اقىشيەۆ.

سونىمەن قاتار، ۇلتتىق بانك باسشىسى 2017 -جىلدان باستاپ اقشا- نەسيە ساياساتىنىڭ نەگىزگى باعىتتارىندا ەكونوميكانى دامىتۋدىڭ سەناريلىك نۇسقالارى قاراستىرىلىپ جاتپاعانىن اتاپ ءوتتى.

«نەگىزگى ماكروەكونوميكالىق كورسەتكىشتەردىڭ بولجامدارى مەن ستسەنارييلەرى توقسان سايىن ق ر ۇ ب- نىڭ «ينفلياتسيا شولۋى» باسىلىمىندا جانە ءبىزدىڭ سايتتاعى «ينفلياتسيانىڭ بولجامى تۋرالى» اتتى باسپا ءسوز مالىمدەمەلەرىندە جاريالانىپ تۇرادى. سوڭعى جاريالانعان بولجامدار بازالىق ستسەنارييدە - باررەلىنە 60 دوللار دەپ نەگىزدەلگەن» ، - دەيدى د. اقىشيەۆ.

ايان بەكەن ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى