اقىن ەرلان ءجۇنىس جاڭا قىزمەتكە تاعايىندالدى
ەلدەگى ەڭ ءىرى شىعارماشىلىق ۇيىمىنىڭ جەتىسۋ جەرىندەگى بولىمشەسىن اقىن ەرلان ءجۇنىس باسقاراتىن بولدى. بۇگىن جەتىسۋلىق زيالى قاۋىم وكىلدەرىنە فيليالدىڭ جاڭا ديرەكتورىن وداق ءتوراعاسىنىڭ ءبىرىنشى ورىنباسارى اقبەرەن ەلگەزەك تانىستىردى.
اقىن ەرلان ءجۇنىستىڭ ەسىمى ولەڭ سۇيەر قاۋىمعا جاقسى تانىس. ول «حاۋاس»، «ءۇمىت جىرلارى» سياقتى بىرنەشە جىر جيناقتارىنىڭ اۆتورى. 2006 -جىلى حالىقارالىق «شابىت» فەستيۆالىندە گران- پري مەن پرەزيدەنت كۋبوگىن جەڭىپ العان. مەملەكەتتىك سىيلىق پەن «دارىن» سىيلىعىنىڭ يەگەرى.
پوەزيادا وزىندىك قولتاڭباسىن قالىپتاستىرعان اقىن ەندى جەتىسۋلىق قالامگەرلەردىڭ مۇددەسىن قورعاۋعا قىزمەت ەتپەك. ءارى ءتۇرلى ادەبي ءىس- شارالاردى ۇيىمداستىرۋ جۇمىستارىمەن اينالىسادى. وڭىردەگى جازۋشىلار وداعىنىڭ 120 دان استام مۇشەسى بار.
اقىن- جازۋشىلار وداق فيليالىنىڭ جاس ءارى جاڭا باسشىسىنا زور سەنىم ءبىلدىرىپ، قىزمەتىنە تابىس تىلەدى.
اۆتور: سامال قابىشيەۆا
