شىمكەنتتە بالمۇزداقتان جاپپاي ۋلانۋعا قاتىستى قىلمىستىق ءىس قوزعالدى
پوليتسەيلەردىڭ مالىمەتىنشە قازىر ازاماتتاردىڭ جاپپاي ۋلانۋى بويىنشا ق ر قىلمىستىق كودەكسىنىڭ 304-بابى بويىنشا قىلمىستىق ءىس قوزعالعان.
«شىمكەنت قالالىق ءى ءى ب ءال- فارابي پوليتسيا بولىمىنە جۇقپالى اۋرۋلار اۋرۋحاناسىنان 41 ادام بالمۇزداقتان ۋلانعانى تۋرالى حابارلاما كەلىپ ءتۇستى. اتالعان جايت ءال- فارابي پوليتسيا بولىمىندە سوتقا دەيىنگى تەرگەۋدىڭ ءبىرىڭعاي تىزىلىمىنە «سانيتارلىق قاعيدالاردى نەمەسە گيگيەنالىق نورماتيۆتەردى بۇزۋ» بويىنشا تىركەلدى. ساراپتاما تاعايىندالدى. پوليتسەيلەر وقيعانىڭ ءمان- جايىن انىقتاۋدا» ، دەلىنگەن حابارلامادا.
ەسكە سالايىق، كەشەدەن بەرى شىمكەنت قالاسىندا بالمۇزداق ساتاتىن ءبىر ورىننان ءتاتتى جەگەن 40 تان استام ادام وبلىستىق جۇقپالى اۋرۋلار اۋرۋحاناسىنا وتكىر ىشەك ينفەكتسياسىمەن ءتۇستى.
