تىنىشبايدىڭ «التايدىڭ ار جاعىنان كەلگەن ارۋ» ءانى

قازاقتىڭ كورنەكتى اقىنى، سازگەرى تىنىشباي جاڭاباي ۇلى راقىم 1946 -جىلى 12 -قىركۇيەكتە وزبەكستاننىڭ تاشكەنت وبلىسى، جوعارعى شىرشىق اۋدانىندا دۇنيەگە كەلگەن. رەسپۋبليكالىق ءداستۇرلى ادەبي جابىق كونكۋرستارىنىڭ ەكى دۇركىن جۇلدەگەرى، ءى. جانسۇگىروۆ اتىنداعى سىيلىقتىڭ لاۋرەاتى بولعان اقىننىڭ جالپى وننان استام كىتاپتارى جارىق كورگەن. اقىن ءوزى جۇرگىزگەن تانىمال تەلەۆيزيالىق «كەش جارىق» اۆتورلىق باعدارلاماسى ارقىلى دا ەلدىڭ كوزايىمى بولدى. ت. راقىمنىڭ ەلگە كەڭ تارالعان «التايدىڭ ارجاعىنان كەلگەن ارۋ»، «ءمولدىرىم» «بوزورامال»، «كۇت مەنى» ، «قىمباتتىم» ، «التايدان سالەم» ت. ب. اندەرى كوپشىلىكتىڭ ءسۇيىپ تىڭدايتىن اندەرىنە اينالدى.

وسىدان تۋرا 25 جىل بۇرىن «التايدىڭ ار جاعىنان كەلگەن ارۋ» ءانى «جىلدىڭ ۇزدىك ءانى» اتالعان ەكەن. قانشا ورىندالسا دا تىڭدارماندى ءالى كۇنگە دەيىن جالىقتىرماي كەلە جاتقان بۇل ءان - 1991 -جىلى «كەش جارىق» باعدارلاماسىنا قاتىسۋعا كەلگەن، قىتايداعى شىڭجاڭ تەلەۆيدەنيەسىنىڭ ديكتورى ءامينا ەركەش قىزىنا ارنالىپ، اعالىق، باۋىرمالدىق سەزىمنەن تۋعان ءان ەكەن. بۇل ءاننىڭ باعىن اشقان ءانشى ساكەن قالىموۆ بولدى. (ق. جولداسوۆ).

  التايدىڭ ار جاعىنان كەلگەن ارۋ

ءسوزى مەن ءانىن جازعان: تىنىشباي راقىم

 
قيمايتىن جان ەكەنسىڭ جات ۇياعا،

قارعام- اۋ، كەز كەلدىڭ- اۋ قاپيادا، شىركىن.

قايىرماسى:

ءموپ- ءمولدىر جانارىڭ- اي،

جاز ديدار جامالىڭ- اي،

قالدىم-اي ءتىل قاتا الماي، قاراعىم-اي،

قاسىڭا بارا المادىم،

سەزدىڭ بە جان ارمانىم،

ەرىكسىز، قالقام، ساعان ءان ارنادىم.

 
ءسۇيسىندىم سىمباتىڭا، قاباعىڭا،

ۇقساتتىم اسقار التاي مارالىنا، شىركىن.

 
قايىرماسى.

التايدىڭ ار جاعىنان كەلگەن ارۋ،

جارق ەتىپ قاراعانىڭ ەمگە ءدارۋ، شىركىن.

قايىرماسى.

باياندى بولسىن سەنىڭ قۇشار باعىڭ،

قولىڭدى قوش ايتىسىپ قىسا المادىم، شىركىن.

قايىرماسى.

سۋرەتتەردە: ت. راحىم، ءا. ەركەش قىزى، س. قالىموۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى