كانەلوعا قانداي جازا تاعايىندالۋى مۇمكىن؟

شاعىم بۇگىن 30 -ناۋرىزدا جاسالدى، - دەپ حابارلايدى Vesti.kz.

شاعىمدا «كانەلونى» سپورتتان ءبىر جىلعا شەتتەتۋ كەرەكتىگى ايتىلعان. سەگىز پاراقتان تۇراتىن شاعىمدا مەكسيكالىقتىڭ «جارىسقا زيان كەلتىرۋگە كەزدەيسوق نەمەسە سپورتقا قايشى ارەكەت جاساعانى ءۇشىن كىنالى» ەكەنى ايتىلعان.

جارىس رەتىندە گولوۆكين مەن الۆارەستىڭ ەكىنشى جەكپە- جەگى مەڭزەلگەنى حابارلانىپ وتىر. ايتا كەتەيىك، 28 -ناۋرىزدا ESPN ارناسىنىڭ ساراپشىسى جانە امەريكاداعى تانىمال بوكس شولۋشىسى دەن رافاەل گولوۆكين مەن الۆارەس اراسىنداعى جەكپە- جەك كۇنى (5 -مامىر) وزگەرۋى مۇمكىن دەگەن بولجام جاساعان.

29 -ناۋرىزدا قازاقستاندىق جانە مەكسيكالىق بوكسشى اراسىنداعى قارىمتا جەكپە-جەكتى ۇيىمداستىرۋشىلار جارنامالىق ناۋقاندى توقتاتقانى حابارلاندى. Los Angeles Times باىلىمىنىڭ جازۋىنشا، Golden Boy Promotions جەكپە-جەككە قاتىستى بارلىق شارالاردى توقتاتتى، HBO ارناسى دا جارنامالاۋدى ۋاقىتشا ءۇزدى، ال MGM Resorts بيلەت قۇنىن قايتارۋعا دايىن ەكەندەرىن جەتكىزدى. ال گولوۆكيننىڭ پروموۋتەرى توم لەففلەر كوميسسيا الۆارەسكە قاتىستى قانداي شەشىم شىعارسا دا، قازاقستاندىق 5 -مامىردا شارشى الاڭعا شىعاتىنىن مالىمدەگەن.

ەسكە سالايىق، گولوۆكينمەن قارىمتا كەزدەسۋگە ەكى اي قالعاندا الۆارەستىڭ قانىنان كلەنبۋتەرول اتتى دوپينگ تابىلعان. مەكسيكالىقتىڭ كومانداسى مۇنى زارارلى ەتتى تاماققا پايدالانۋمەن بايلانىستىردى. دەگەنمەن نەۆادا شتاتىنىڭ اتلەتيكالىق كوميسسياسى الۆارەستى ازىرگە جەكپە-جەكتەردەن شەتتەتتى. قورىتىندى شەشىم 10 -ساۋىردە شىعادى.

Kaz.tengrinews.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى