قازاق فۋتبولشىسى توعىز جىلعا سوتتالىپ كەتتى
سوت القاسى بەرگەن مالىمەتتەرگە سايكەس، قىلمىس 2017-جىلى 28-نەن 29-قاراشاعا قاراعان ءتۇنى بولعان. ماس كۇيدەگى جارتىلاي قورعاۋشى بۇرىننان ەرەگىسىپ جۇرگەن اۋىلداسى اسلانمەن تاعى دا كەلىسپەي قالادى.
ولاردىڭ اراسىندا جانجال تۋىندايدى: اسلان فۋتبولشىعا سىرا تاۋىپ بەر دەگەن، ال سايات وعان اقشاسى جوعىن ايتىپتى. سوندا الگى جىگىت ساريەۆتى ۇرا باستاعان سوڭ، سپورتشى قالتاسىنان قارۋدى شىعارىپ، ونى اتىپ تاستايدى. ناتيجەسىندە، ازامات قايتىس بولعان.
سوت ساياتتى توعىز جىلعا باس بوستاندىعىنان ايىرۋ تۋرالى ۇكىم شىعاردى.
ايتا كەتۋ كەرەك، ساريەۆ سوت ۇكىمىمەن كەلىسپەي، اپەللياتسياعا ءوتىنىش بەردى. كەلەسى تىڭدالىم ءساۋىر ايىندا وتەدى.
