قوستانايدا ەكى جىگىت ءيت ۇرلاپ، ونى جەپ قويماق بولعان
ناۋىرزىم اۋداندىق سوتىندا «ۇرلىق» بابى بويىنشا قىلمىستىق ءىس مەدياتسيا تارتىبىمەن قارالدى. ءىس ماتەريالدارىنا سۇيەنسەك، قارامەندى اۋىلىندا ساعات تۇنگى 02:00-لەر شاماسىندا ەكى جاس جىگىت بوگدەنىڭ اۋلاسىنا كىرىپ، قۇنى 10 مىڭ تەڭگە تۇراتىن ءيتتى ۇرلاپ كەتكەن. ولار ءيتتى ءولتىرىپ، ونى جەپ قويماق بولعان. الايدا، ۇرىلاردىڭ بۇل ارەكەتىنە توسقاۋىل قويىلدى.
«كۇدىكتىلەر جابىرلەنۋشىگە ايتارلىقتاي شىعىن كەلتىردى. ۇرلىق جاساعان ەكى تۇرعىن ءوز كىنالارىن مويىنداپ، وكىنەتىندەرىن جەتكىزدى. نەگىزگى سوت وتىرىسىندا جابىرلەنۋشى سوتقا مەدياتسيا كەلىسىمى بويىنشا جاسالعان قۇجاتتى كورسەتتى. كۇدىكتىلەر ءيتتىڭ يەسىنەن رەسمي كەشىرىم سۇرادى»، - دەلىنگەن وبلىستىق سوتتىڭ حابارلاماسىندا.
