اقتوبەدە «سۋعا كەتەمىز» دەگەن ايەلدەر تاس جولدى جاۋىپ تاستادى - كەسكىن
اقتوبە قالاسىندا سۋ تاسقىنىنىڭ الدىن الۋ جۇمىستارى جۇرگىزىلۋدە. ءبىراق توتەنشە جاعدايلار قىزمەتىنىڭ جەدەل شتابى بارلىق شاقىرۋعا بىردەن بارىپ ۇلگەرمەي جاتىر. قازىرگى ۋاقىتتا قالا ماڭىنداعى «روماشكا» ساياجايىنىڭ تۇرعىندارى «اقتوبە- بوگوسلوۆكا» تاسجول بويىنا شىعىپ، كولىك قوزعالىسىنا كەدەرگى كەلتىردى.
«ءبىز بۇگىن كۇندىز ساعات 14:00-دەن باستاپ جەدەل شتابقا قوڭىراۋ شالا باستادىق. ءبىراق بىردە-ءبىر ادام كەلىپ، كومەك بەرمەدى. قازىر جولدا ءجۇرمىز. ءبىزدى كورىپ، پوليتسيا قىزمەتكەرلەرى كەلدى. «جاۋاپقا تارتىلاسىڭدار، ىستەرىڭ زاڭسىز» دەپ قورقىتا باستاعاسىن، كولىكتەردى جىبەردىك. تاڭعى ساعات 4:00-دە جاتتىق. بۇگىن جۇمىستان سوڭ ۇيىمە بارا المادىم»، - دەدى ساياجاي تۇرعىنى اينۇر نۇرجانوۆا.
اتالعان ساياجاي تۇرعىندارىنىڭ ايتۋىنشا، ەرىگەن قار سۋى وتكەن جىلى جولدىڭ دۇرىس سالىنباۋىنان باعىتى وزگەرگەن.
«ساياجايدا تۇرعانىما بەس جىل بولدى. وتكەن جىلى سۋ كوپ جينالعاندا دا بىزگە قاۋىپ تونبەدى. ال بيىل قار از بولسا دا، ءبىز قىزىل سۋ استىندا قالدىق. جازدا اتالعان جول سالىنعان كەزدە سۋ جۇرۋگە ىڭعايلى، تارتىپپەن سالۋدى ۇسىنعان ەدىك. ءبىراق قالا اكىمى ءىلياس يسپانوۆتىڭ اتىنا جازعان حاتىمىز جاۋاپسىز قالدى. ساياجاي بازارعا جاقىن ورنالاسقان، سول جەرگە جينالعان قار سۋىنىڭ ءبارى ءبىز جاققا اعىپ كەلۋدە»، - دەدى ا. نۇرجانوۆا.
ايتا كەتەيىك، قازىر تۇرعىندار جاۋاپتى قىزمەتكەرلەردى كۇتىپ تۇر.
Богословка тас жолының жанындағы дачалардағы үйлер суға кетіп жатыр тұрғындары көмек сұрағанымен ешкім келмеген наразылық ретінде адамдар трассаны жауып тастаган
