وڭتۇستىك جاستارى ش ق و- داعى تاسقىننان زارداپ شەكەندەرگە كومەك جيناۋدا

بۇگىنگى تاڭدا وبلىستىڭ بەلسەندى جاستارى، ەرىكتىلەرى قولدان كەلگەنشە كومەك كورسەتۋ ماقساتىندا ازىق-تۇلىك پەن تۇرمىستىق قاجەتتى زاتتاردى جيناۋدا، دەپ حابارلايدى قازاقپارات ءتىلشىسى.

وبلىستىق «جاستار رەسۋرستىق ورتالىعىندا» قازىرگى ۋاقىتتا 590 كەلى كارتوپ، 513 كەلى ءسابىز، 2 قاپ قىرىققابات، 550 كەلى پياز، 50 كەلى الما جانە تاعى باسقا دا قاجەتتى زاتتار جينالدى. سونداي-اق، وڭتۇستىك جۇرتشىلىعى كومەك رەتىندە 104800 تەڭگە قارجى بەرىپتى. ورتالىق ماماندارى بۇگىندە ۇندەۋگە ءۇن قوسىپ، قولداۋ بىلدىرەمىن دەگەن جاستاردىڭ قاراسى كۇن ساناپ كوبەيىپ جاتقانىن جەتكىزدى.

ەستەرىڭىزگە سالا كەتەيىك، وڭىردەگى بىرنەشە ەلدى مەكەندى سۋ باسىپ، ادامدار ەۆاكۋاتسيالانۋدا. جەرگىلىكتى دەڭگەيدەگى توتەنشە جاعداي رەجىمى جاريالانۋدا. ۇيلەرى قيراعان تۇرعىندارعا جاڭا باسپانا بەرۋ ماسەلەسى شەشىلۋدە.

وسىعان بايلانىستى وڭتۇستىك ءوڭىرىنىڭ بەلسەندى جاستارى ارنايى توپ قۇرىپ، ۇندەۋ جاريالاعان ەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى