سەمەيدە توتەنشە جاعداي جاريالاندى

قازىر قالاداعى سۋ تاسقىنىنان زارداپ شەككەن تۇرعىندارعا كەلتىرىلگەن زالالدى ەسەپتەۋ ءۇشىن ارنايى كوميسسيا قۇرىلدى. ءۇشىنشى كۇن قالانى سۋ باسىپ جاتىر. بۇگىن بوبروۆكا ساياجايى مەن زاتون اۋماعىنداعى لودوچنايا، كرايەۆايا كوشەلەرى سۋ استىندا قالعان بولاتىن.

تۇرعىندار ءالى قاۋىپسىز جەرگە كوشىرىلىپ جاتىر. سوڭعى رەسمي مالىمەتتەرگە قاراعاندا، 200 دەن استام ءۇيدى سۋ باسقان.

قاۋىپتى سەيىلتۋ ءۇشىن «ۆوستوكۆزرىۆپروم» مەكەمەسىنىڭ ماماندارى جارۋ جۇمىستارىن ىسكە اسىرۋ ۇستىندە. بۇل جۇمىستار جالعاسادى.

«ءبىز وزەنگە جارىلىس جاسايمىز دەگەن ەدىك. وعان جاعدايدى تىكۇشاقپەن باقىلاپ شىققاننان كەيىن جارۋ جۇمىستارى كەرەك دەگەن شەشىمگە كەلدىك. جارىلىستىڭ قۋاتى كۇشتى. ەگەر قۋات مولشەرى از بولسا، ءبىز قاجەتتى ناتيجەگە قول جەتكىزە المايمىز. بۇل جۇمىستار جاسالماسا، قالاعا تونەر قاۋىپ ەسەلەنەدى. سوندىقتان مۇزدى جاساندى جولمەن جارىپ جاتىرمىز. قازىر مۇزدىڭ قالىندىعى 120 سانتيمەتر. وسىعان بايلانىستى جارىلعىش زاتتىڭ قۋاتى بەلگىلەندى. جۇمىستار كەزىندە بىرنەشە تۇرعىن ۇيگە زاقىم كەلدى. ونىڭ بارلىعى وتەلەدى»، - دەدى قالا اكىمى.

29- ناۋرىزدان باستاپ قالادا جەرگىلىكتى دەڭگەيدە توتەنشە جاعدايدى ەنگىزۋ تۋرالى شەشىم قابىلداندى. بۇل شەشىمدى ورتالىق ورگان ماماندار قابىلداعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى