ايگىلى ءانشى امىرە قاشاۋبايەۆ تۋرالى فيلمىنىڭ العاشقى كورسەتىلىمى قاشان وتەدى

«قازاق فيلم» كينوستۋدياسىنىڭ باسپا ءسوز قىزمەتىنىڭ حابارلاۋىنشا، الماتى قالاسىندا فيلمنىڭ كورسەتىلىمى الداعى ءساۋىر ايىنىڭ 3- كۇنى ساعات 19:00-دە «Kinopark 11  IMAX 3D» كينوتەاترىندا وتەدى.

ال ق ر مادەنيەت جانە سپورت مينيسترلىگىنىڭ باسپا ءسوز قىزمەتى استانادا اتالمىش كينوتۋىندىنىڭ العاشقى كورسەتىلىمى 2 - ءساۋىر كۇنى ساعات 19:0-دە «سارى ارقا» كينوتەاترىندا بولاتىنىن حابارلاۋدا.

كوركەم فيلمدى مادەنيەت جانە سپورت مينيسترلىگىنىڭ تاپسىرىسى بويىنشا ش. ايمانوۆ اتىنداعى «قازاق فيلم» ا ق جانە ءاليدار وتەمۇراتوۆتىڭ «Dar Play»  كومپانياسى بىرلەسە تۇسىرگەن.

بۇعان دەيىن كارتينانى ءتۇسىرۋ جۇمىستارى اياقتالىپ، ونىڭ ترەيلەرى شىققانىن جازعان بولاتىنبىز.

حالىقارالىق ءتۇسىرىلىم توبىنىڭ قۇرامىندا: امەريكالىق قويۋشى- رەجيسسەر دجەف ۆەسپا (Jeff Vespa)، وپەراتور - ماكسيم وسادچيي («9 -روتا»، «ستالينگراد») بار.

فيلمنىڭ سسەناريىن جازعان بەنجامين ا. ۆان دەر ۆين (Benjamin A. van der Veen).

باستى رولدەردى وتاندىق اكتەرلەر سانجار ماديەۆ پەن ەركەبۇلان دايىروۆ سومدايدى.

 كينوتۋىندى قازاقتىڭ تۇڭعىش درامالىق تەنور داۋىستى ءبىرتۋار ءانشىسى امىرە قاشاۋبايەۆتىڭ (1888-1934 ج ج. ) قامشىنىڭ سابىنداي عانا قىسقا دا، جارقىن عۇمىرىن باياندايدى.

«امىرە» فيلمى پاريج اسپانىن انگە بولەپ، كۇللى الەمدى تامساندىرعان امىرە قاشاۋبايەۆتىڭ 130 جىلدىعىنا ارنالعان.

اۆتور: ايان بەكەن ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى