گولوۆكين-الۆارەس رەۆانشىنا بيلەتتەر قايتارىلۋى مۇمكىن
جەكپە-جەك الۆارەستىڭ دوپينگ-سىناماسى وڭ ناتيجە بەرۋىنە بايلانىستى كەيىنگە قالدىرىلۋى نەمەسە مۇلدەم بولماۋى مۇمكىن.
بۇدان بۇرىن مەكسيكالىق بوكسشى نەۆادا شتاتى اتلەتيكالىق كوميسسياسىنىڭ (NSAC) شەشىمىمەن سپورتتان ۋاقىتشا شەتتەتىلگەن ەدى. ونىڭ بۇدان ارعى تاعدىرى اتالعان كوميسسيانىڭ 10- ساۋىردە وتەتىن وتىرىسىندا بەلگىلى بولادى.
MGM Resorts International كومپانياسى جانكۇيەرلەر بيلەتكە جۇمسالعان شىعىندى وتەۋدى تالاپ ەتكەن جاعدايدا، ونى العاشقى ساتۋ نۇكتەسىندە تولىق كولەمدە قايتارۋعا دايىن ەكەندىگىن ءمالىم ەتتى.
ەسكە سالساق، ناۋرىز ايىنىڭ باسىندا ساۋل الۆارەستىڭ قانىنان تىيىم سالىنعان پرەپارات تابىلدى. ونىڭ مۇددەسىن قورعايتىن Golden Boy پروموۋتەرلىك كومپانياسى بۇل اقپاراتتى راستادى.
گولوۆكين مەن الۆارەستىڭ رەۆانشى اعىمداعى جىلدىڭ 5- مامىرىنا جوسپارلانعان.
