ەرتىس وزەنىنىڭ ارناسىنان اسۋىنا نە سەبەپ؟

ەرتىس وزەنىنىڭ تاسۋىنا ءشۇلبى گ ە س- ىندە سۋ قورىنىڭ نورمادان ارتىق جينالۋى سەبەپ بولعان. ياعني، سەكۋندىنا جىبەرىلۋى ءتيىس 500 تەكشە مەتر سۋدىڭ مولشەرىن 1800 گە دەيىن ارتتىرعان. ال ءشۇلبى سۋ قويماسىنىڭ ماماندارى جىبەرىلەتىن سۋ مولشەرىنىڭ نورمادان ارتىق ەكەنىن جەرگىلىكتى اتقارۋشى ورگان وكىلدەرىنە ەسكەرتپەگەن. سالدارىنان ەرتىس وزەنى مەن سەميپالاتينكا توعانىنداعى سۋ دەڭگەيى كوتەرىلگەن.

«ەرتىستەگى سۋدىڭ دەڭگەيى 4 مەتر، 84 سانتيمەتردى قۇراپ وتىر. 4, 50 سانتيمەتردىڭ ءوزى ءقاۋىپتى نورما بولىپ ەسەپتەلەدى. كۇننىڭ كۇرت جىلىنۋىنىڭ دا اسەرى بار. وسىنىڭ سالدارىنان بارلىق ەرىگەن سۋ ەرتىسكە جينالعان. مۇنداي جاعدايدا گ ە س وكىلدەرى سۋدى ەرىكسىز بوساتۋعا ءماجبۇر. ويتكەنى وزدەرىنە دە قاۋىپ ءتوندى. ولاردا قاۋىپتى دەڭگەيدىڭ ءوز نورمالارى بار. ارنايى ساراپتاما جاسادىق. بۇل 40 جىلدا بولماعان قۇبىلىس»، - دەدى بەرىك ءتۇسىپوۆ.

قاۋىپ تونگەن تۇيەمويناق ارالىندا 134 ادام تۇرادى. باسپانالاردىڭ سانى 32. سول 134 ادامنىڭ ىشىندە 103 ءىن ەۆاكۋاتسيالاعان. ونىڭ 25 ءى بالا. قۇتقارىلعان ادامدار قالانىڭ ەكى قوناق ۇيىنە ورنالاستىرىلىپ، ءۇش رەتتىك تاماقتانۋمەن قامتاماسىز ەتىلدى.

ازاماتتىق قورعانىس پەن ت ج بارلىق قىزمەتتەرى قالا اكىمى ەرماك سالىموۆتىڭ باسشىلىعىمەن قاۋىپ اۋماعىندا جۇمىس ىستەۋدە. ارالعا ينەرتتى ماتەريالدار جەتكىزىلىپ، قۇم-توپىراق سەبۋ جۇمىستارى جالعاسۋدا. جۇمىسقا 16 تەحنيكا مەن 30 عا جۋىق ادام جۇمىلدىرىلدى.

ال ەرتىس وزەنىندە جارۋ جۇمىستارىن جۇرگىزۋگە «ۆوستوكۆزرىۆپروم» ج ش س قىزمەتكەرلەرى كەلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى