قوعامدىق كەڭەس بازارعا اينالعان ۆوكزالدى سىنعا الدى

بىلتىر باقىلاۋ توبى اۋەجايدىڭ جۇمىسىنان شيكىلىك تاپقان بولاتىن. بيىل «سايران» جانە «ساياحات»، «الماتى-1» جانە «الماتى-2» ۆوكزالدارى تەكسەرىلدى.

«مونيتورينگ توبى ۆوكزالداردان انتيسانيتاريا، زاڭ بۇزۋشىلىق دەرەكتەرىن انىقتادى. قوسىمشا ەسىكتەر جابىق، ءورت ءسوندىرۋ باللوندارى ەسكى. ۆوكزالدار جولاۋشى تاسىمالىمەن عانا اينالىسۋى ءتيىس. ول جەردى جابايى ساۋدا الاڭىنا اينالدىرۋعا بولمايدى»، - دەدى كەڭەس مۇشەسى نۇرلان جازىلبەكوۆ.

ونىڭ ۇستىنە قالاداعى اتالعان نىسانداردىڭ بارلىعىندا مۇگەدەكتەردىڭ ءجۇرىپ-تۇرۋىنا ءتيىستى جاعداي قاراستىرىلماعان.

مامانداردىڭ ايتۋىنشا، «سايران» ۆوكزالىنىڭ عيماراتى 1983-جىلى سالىنعان. مونيتورينگ توبى عيماراتقا جوندەۋ قاجەتتىگىن ەسكەرتتى.

سونداي-اق، قوعامدىق كەڭەس مۇشەلەرى «ساياحات» اۆتوۆوكزالىنىڭ ورنى نەلىكتەن جايما بازارعا اينالىپ كەتكەنىنە تاڭ قالىستى. ءوز كەزەگىندە «ساياحات» ۆوكزالىنىڭ يەسى احمەت الەرويەۆ جەتىسۋ اۋدانىنا كوشەتىن بولعان سوڭ قۇرىلىس باستاماي وتىرعاندىعىن العا تارتتى.

ايتا كەتسەك، تەكسەرۋ كەزىندە انىقتالعان ماسەلەلەر اكىمدىككە جەتكىزىلمەك.

اۆتور: گۇلميرا عوسمانالي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى