پاۆلودارعا شىركەيلەرگە قارسى پرەپارات جەتكىزىلدى

بۇگىنگى تاڭدا وبلىسقا «باكتەسيد» ءدارىسىنىڭ 100 مىڭ ليترى جەتكىزىلدى. ەكىنشى بولىگىن ءساۋىر ايىندا الۋ كوزدەلگەن. ەرتىس قويناۋىن وڭدەيتىن مامانداردىڭ ايتۋىنشا، پرەپاراتتىڭ ءبىر ليترى - شامامەن 2,5 مىڭ تەڭگە. دەزينفەكسيا دەر كەزىندە قولعا الىنعاندا عانا وڭ ناتيجە بەرەدى.

قانسورعىش جاندىكتەردى جاپپاي ۋلاۋ مەرزىمى مامىر ايىنا كەلەدى. الايدا دەرناسىلدەردىڭ جەتىلۋ كەزەڭى اۋا رايىنا، وزەن سۋىنىڭ تەمپەراتۋراسىنا تىكەلەي بايلانىستى. سوندىقتان ناقتى ءبىر كۇندى بەلگىلەۋ مۇمكىن ەمەس. شىركەيلەرگە قارسى كۇرەستىڭ جۇرگىزىلۋىن قۇرامىنا قوعام بەلسەندىلەرى جانە وبلىستىق ءماسليحات دەپۋتاتتارى ەنگەن ارنايى كوميسسيا قاداعالايدى. ولار الىنعان پرەپاراتتىڭ قۇرامىن تەكسەرۋ ءۇشىن سىناما الىپ، ۇلتتىق ساراپتامالىق ورتالىققا جىبەردى. نۇرلان قاسىموۆ، وبلىستىق ءماسليحاتتىڭ دەپۋتاتى:

 - دارىلەر قازىر وبلىسقا كەلىپ جاتىر. ەندى ءبىزدىڭ ماقساتىمىز - وسى ماساعا قارسى وڭدەۋ جۇمىستارىن دەر كەزىندە وتكىزۋ. سوسىن ساپالى بولۋى كەرەك. ءبىز ەندى وبلىستىق ءماسليحاتتىڭ دەپۋتاتتارى رەتىندە وسى ماسەلەنى باقىلاۋعا الامىز.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى