قازاقستان- ا ق ش: ۇكىمەتتىك دەلەگاتسيا مىنگەن ۇشاقتاردان الىم الۋ جويىلادى

 «مەملەكەت باسشىسىنىڭ 2018 -جىلعى قاڭتارداعى ۆاشينگتونعا ساپارى اياسىندا ق ر ۇكىمەتى مەن ا ق ش ۇكىمەتى اراسىنداعى مەملەكەتتىك اۋە كەمەلەرىنە ايەروناۆيگاتسيالىق قىزمەت كورسەتۋ ءۇشىن تولەماقى الۋعا قاتىستى كەلىسىمگە قول قويىلدى. كورسەتىلگەن كەلىسىمدى راتيفيكاتسيالاۋ تۋرالى نازارلارىڭىزعا ۇسىنىلعان زاڭ جوباسى قازاقستان مەن ا ق ش اراسىنداعى ىنتىماقتاستىقتى جانداندىرۋعا باعىتتالعان. كەلىسىمنىڭ ماقساتى ۇكىمەتتىك دەلەگاتسيالار مىنگەن مەملەكەتتىك اۋە كەمەلەرىنەن ايەروناۆيگاتسيالىق الىمداردى ورتاق تولەۋدەن بوساتۋ بولىپ تابىلادى. مۇنداي كەلىسىم «اۋە كەڭىستىگىن پايدالانۋ جانە اۆياتسيا تۋرالى» ق ر زاڭىنىڭ تالاپتارىنا سايكەس راتيفيكاتسيالاۋعا جاتادى»، - دەدى «قازاقستان رەسپۋبليكاسىنىڭ ۇكىمەتى مەن امەريكا قۇراما شتاتتارىنىڭ ۇكىمەتى اراسىنداعى مەملەكەتتىك اۋە كەمەلەرىنە ايەروناۆيگاتسيالىق قىزمەت كورسەتۋ ءۇشىن تولەماقى الۋعا قاتىستى كەلىسىمدى راتيفيكاتسيالاۋ تۋرالى» ق ر زاڭىنىڭ جوباسىن تانىستىرعان ق ر ينۆەستيتسيالار جانە دامۋ ءبىرىنشى ۆيتسە- ءمينيسترى رومان سكليار.

ونىڭ ايتۋىنشا، كەلىسىمنىڭ ەرەجەلەرىن ورىنداۋ ءۇشىن تاراپتار ءار ۇشۋعا ءتيىستى ديپلوماتيالىق رۇقساتتار بەرەدى. كەلىسىم تالاپتارىن ورىنداۋعا جاۋاپتى مەكەمەلەر قازاقستاندىق تاراپتان - سىرتقى ىستەر مينيسترلىگى مەن ينۆەستيتسيالار جانە دامۋ مينيسترلىگىنىڭ ازاماتتىق اۆياتسيا كوميتەتى بولىپ تابىلادى.

«جالپى قازاقستان رەسپۋبليكاسىنان امەريكاعا رەيستەر، ا ق ش- تان قازاقستاندىق تاراپقا اۋە كەمەلەرىنىڭ ۇشۋى جىل سايىن جۇزەگە اسىرىلادى. اتالعان كەلىسىم اياسىندا مەملەكەتتىك اۋە كەمەلەرىنىڭ ۇشۋ سانىنىڭ شەكتەۋلى ەكەندىگىن ەسكە الا وتىرىپ، ايەروناۆيگاتسيالىق قىزمەت كورسەتۋ بويىنشا قىزمەتتەردى كورسەتەتىن ازاماتتىق اۆياتسيا ۇيىمىنا ەلەۋلى ەكونوميكالىق زيان بولمايدى. كورسەتىلگەن كەلىسىمدى راتيفيكاتسيالاعان جاعدايدا قاندايدا ءبىر تەرىس قۇقىقتىق جانە الەۋمەتتىك سالدارى جوق»، - دەدى ول.

ءماجىلىس دەپۋتاتتارى زاڭ جوباسىن ءبىراۋىزدان ماقۇلداپ، قاۋلى قابىلدادى.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى