ديماش قۇدايبەرگەننىڭ بۇرىنعى مەنەدجەرى جاستار تەلەارناسىنىڭ پروديۋسەرى بولدى
ايتا كەتسەك، «J1-Jastar1» تەلەارناسى قازاقستان جاستارىنىڭ تالاپتارىن قاناعاتتاندىراتىن زاماناۋي تەليەۆيزيالىق ترەندتەردى تاراتاتىن، جاستاردىڭ جوبالارىن، وي- پىكىرلەرىن قولداۋعا، سونىمەن قاتار ولاردىڭ اراسىنداعى وزەكتى ماسەلەلەردى شەشۋگە باعىتتالعان جاڭا فورماتتاعى ارنا. تەلەارنا 2018 -جىلدىڭ 28 - ناۋرىزىندا ID TV پلاتفورماسىندا، يۋتۋب پەن ينستاگرام الەۋمەتتىك جەلىلەرىندە ىسكە قوسىلدى. بولاشاقتا وتاۋ ت ۆ كابەل جۇيەسى ارقىلى تاراتۋ جوسپارلانىپ وتىر.
«مەنىڭ ءوزىم جاستار كاتەگورياسىنا كىرەتىن اداممىن. جاسىم 26 دا. وسى ارناعا كەلىپ، ەڭبەك جولىمدى جالعاستىرىپ كەلە جاتقانىما قۋانىشتىمىن. سەبەبى، بۇل ءبىزدىڭ الاڭ. وسى الاڭدا ەركىن قىزمەت ەتە ءبىلۋ - مەن ءۇشىن ۇلكەن مۇمكىندىك. ترەندتە قازىر نە بار؟ ترەند - جاستاردىڭ بارلىعىنىڭ باس قوسىپ ويلاپ تاباتىن دۇنيەسى. بىزگە كەلگەن ادامداردىڭ بارلىعى دا جاستار. بۇل جاستار تانىستىقپەن ەمەس، كاستينگ بويىنشا كەلگەن ورەندەر» ، - دەيدى الپامىس ءشارىموۆ و ك ق- دا وتكەن تەلەارنانىڭ تۇساۋكەسەرىندە.
ونىڭ ايتۋىنشا، باتىستى نەمەسە شىعىستى، ماسەلەن قىتايدى الىپ قارايتىن بولساق، تەلەارنانىڭ بارلىعى مۇمكىندىگىنشە كەز كەلگەن ادامنىڭ «قولىندا» جۇرەدى.
«سول سەكىلدى يۋتۋب ارقىلى ءبىزدىڭ ارنانى تاماشالاي الاسىزدار. بۇل ءبىزدىڭ باستى ۇستانىپ وتىرعان تەحنيكالىق مۇمكىنشىلىكتەرىمىز. سونىمەن قاتار، ارنانىڭ لوگوتيپى تۋرالى ايتىپ وتسەم. ءبىزدىڭ لوگوتيپىمىزدىڭ ءوزى اق ءتۇستى. جاستار - ولار پاكتىكتىڭ بەلگىسى. جاستار ەركىن. لوگوتيپتە تومەنگى جاعى - ىلمەك، ىلگىش بولسا، جوعارعى جاعى - باعىت- باعدار كورسەتەدى. ياعني، جاستاردى ءىلىپ الىپ، ولاردى بيىككە باعىتتاۋدى باستى ماقسات ەتىپ الدىق. جاستار بۇگىنگى تاڭدا جەڭىل ويلى ەمەس، ءارتۇرلى. ارنا ۇجىمى ءاربىر جاستىڭ ويىمەن ساناسا وتىرىپ، ورتاق جاستاردىڭ قالاۋىمەن شىعاتىن ۇلكەن الاڭ قۇرۋدى ماقسات تۇتىپ وتىر. ءبارىڭىزدى «J1-Jastar1» تەلەارناسىن كورۋگە شاقىرامىن» ، - دەدى ول.
الپامىس ءشارىموۆ تەلەارناعا باس ديرەكتور ءىلياس باشار ۇلىنىڭ شاقىرتۋىمەن كەلگەنىن ايتادى.
«جالپى، مەنىڭ سالام - تەليەۆيزيا سالاسى. تەليەۆيزيادا ءبىرىنشى رەت ەڭبەك ەتكەلى وتىرعان جوقپىن. بۇدان بۇرىن «شەتەلدەگى قازاق بالاسى» جوباسى، جوعارعى رەيتينگ جيناعان نۇرلان قويانبايەۆپەن بىرگە «تۇنگى ستۋديا» جوباسىندا، «ءسىز نە دەيسىز» ، «Hello قازاقستان» سياقتى جوبالاردىڭ پروديۋسسەرى بولدىم. ءوزىمنىڭ ومىرلىك تاجىريبەم - وسى تەليەۆيزيا. سوندىقتان، وسى باعىتتان كەتە المايمىن» ، - دەيدى پرودسسەر.
فوتو: stan.kz
