اتىراۋدا العاش رەت نوسەرلىك كارىز جۇيەسى ىسكە قوسىلماق
«نوسەرلىك كارىز جۇيەسىنىڭ قۇرىلىسى بىلتىر باستالعان. ول قالانىڭ ەكى ۋچاسكەسىندە - جەڭىس ساياباعى مەن «قازپوشتا» بولىمشەسى اۋماعىندا ورناتىلدى. بيىل بۇل جۇمىس 8 باعىت بويىنشا - ۆلاديميرسك- تايمانوۆ كوشەلەرى، پراۆوسلاۆيەلىك شىركەۋ اۋدانىندا، اۆانگارد - 2 شاعىناۋدانىندا، «كاسپي» ايالداماسى ماڭىندا، قۇلمانوۆ كوشەسىنىڭ بويىندا، پروكۋراتۋرا مەن «رەنەسسانس» قوناق ۇيلەرى اۋدانىندا سالىنادى. نوسەر سۋىن ايداۋ جۇيەسىنىڭ قۇرىلىسى مامىردا اياقتالادى دەپ جوسپارلانۋدا. سۋ بەلگىلى ءبىر مولشەرگە جەتكەننەن كەيىن درەناج قۇدىعىنا قۇيىلىپ، كەيىن كارىز جۇيەسىنە تۇسەتىن بولادى»، - دەپ حابارلادى اتىراۋ قالالىق اكىمدىگىنىڭ باسپا ءسوز قىزمەتىنەن.
فوتو: © kanalizaciyainfo.ru
