كەمەروۆوداعى وقيعادان كەيىن استانا مەكتەپتەرىندە ءورت قاۋىپسىزدىگى وقىتىلماق

«ساۋىردەن باستاپ بارلىق ۇيىمداردا ءورت جانە باسقا دا جاعدايلاردا ەۆاكۋاتسيا بويىنشا ءداستۇرلى وقۋ-جاتتىعۋلارى باستالادى. قاۋىپسىزدىك تەحنيكا ەرەجەلەرى، ءورت ءسوندىرۋ جۇيەسى مەن حابارلاندىرۋلار، ەۆاكۋاتسيا سىزباسى، اپاتتىق شىعۋ جۇمىستارىنا باستى نازار اۋدارىلادى»، - دەلىنگەن Facebook-تەگى حابارلامادا.

اقپاننان باستاپ ەلورداداعى ءبىلىم بەرۋ نىساندارىندا قاۋىپسىزدىك تالاپتارىنىڭ ساقتالۋىنا جوسپارلى تەكسەرۋ جۇرگىزىلىپ جاتقانى حابارلاندى. قازىرگى تاڭدا 70 نىسان تەكسەرىلگەن، ءساۋىر ايىنىڭ سوڭىنا دەيىن بارلىق نىساندار تەكسەرىلەدى دەپ جوسپارلانۋدا.

سونداي-اق، العاشقى مەديتسينالىق كومەك كورسەتۋ بويىنشا جەكە وقىتۋلار جۇرگىزىلىپ جاتىر.

استانا قالاسىنىڭ ءبىلىم بەرۋ باسقارماسى اتا-انالار مەن جۇرتشىلىقتان نىسانداردى باقىلاۋ مەن بالالارعا ءتۇسىندىرۋ جۇمىستارىن جۇرگىزۋگە بەلسەندىلىك تانىتۋدى سۇرايدى.

ەسكە سالايىق، 25 -ناۋرىز كۇنى رەسەيدىڭ كەمەروۆو قالاسىندا «زيمنيايا ۆيشنيا» ساۋدا ۇيىنەن ءورت شىعىپ، سوڭعى دەرەكتەرگە سايكەس 64 ادام قازا تاپتى. ونىڭ 41 ى بالا ەدى. قازىرگە دەيىن قۇربانداردىڭ 25 ىنىڭ تۇلعاسى انىقتالدى.

مەملەكەت باسشىسى نۇرسۇلتان نازاربايەۆ رەسەي فەدەراتسياسىنىڭ پرەزيدەنتى ۆلاديمير پۋتينگە كوڭىل ايتۋ جەدەلحاتىن جولداعان بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى