اقتاۋلىقتار كەمەروۆودا قازا تاپقانداردىڭ رۋحىنا تاعزىم ەتتى
200 گە تارتا تۇرعىن ويىنشىقتار، گۇل شوقتارىن الىپ كەلگەن. مارقۇمداردىڭ رۋحىنا قۇران باعىشتاپ، قىزىل جالىننىڭ كەسىرىنەن قىرشىن كەتكەن بۇلدىرشىندەردىڭ رۋحىنا تاعزىم ەتتى. ەرىكتىلەر كەشكە قاراي شىراق جاعىپ، بۇكىل رەسەي حالقىنىڭ قايعىسىنا ورتاق ەكەندىكتەرىن جەتكىزدى.
«بۇل وتە قايعىلى جاعداي. ءورتتىڭ وسىنشاما بالانىڭ ءومىرىن قيعانىن ەستىگەن كەزدە جۇرەكتەرىمىز جىلادى. اپات ايتىپ كەلمەيدى. كەز كەلگەن جاعدايعا دايىن بولۋ كەرەك. جاقىندارىمىز امان بولسىن، باۋىر ەتى بالالارىمىز امان بولسىن! بۇكىل قازاقستان حالقى قايعىرۋدا»، - دەيدى جينالعاندار.
