ەنەرگەتيكا ۆيتسە- ءمينيسترى سادىبەكوۆ ءۇيقاماققا اۋىستىرىلدى

 «سوت ءۇي قاماۋىندا ۇستاۋ تۇرىندەگى بۇلتارتپاۋ شاراسىن قولداندى. ول 2 ايلىق مەرزىمگە ءۇي قاماۋىنا الىندى»، - دەدى سادىبەكوۆتىڭ ادۆوكاتى الميرا شايحينا.

ەسكە سالا كەتەيىك، 2- ناۋرىز كۇنى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگىنىڭ رەسمي وكىلى نۇرلان جاحين سىبايلاس جەمقورلىققا قارسى ءىس- قيمىل ۇلتتىق بيۋروسى ق ر ەنەرگەتيكا مينيسترلىگى لاۋازىمدى تۇلعالارىنىڭ قىلمىستىق قىزمەتىنىڭ جولى كەسىلگەنىن مالىمدەگەن بولاتىن.

ەنەرگەتيكا ۆيتسە- ءمينيسترى ع. سادىبەكوۆكە «ايماق» ج ش س مەردىگەرلىك ۇيىمىنىڭ باسشىسى د. دۋانبەكپەن ءسوز بايلاسىپ، شۋچينسك- بۋراباي كۋرورتتىق ايماعىنداعى كولدى تازارتۋعا بولىنگەن اسا ءىرى مولشەردەگى بيۋدجەت قاراجاتىن جىمقىردى دەگەن ايىپ تاعىلىپ وتىر. قىلمىسقا ەنەرگەتيكا مينيسترلىگىنىڭ دەپارتامەنت باسشىسى ج. نۇربەكوۆ جانە مەردىگەر ۇيىمنىڭ وكىلدەرى س. جۇمالينوۆ جانە ب. قادىربەرلين دە قاتىسقان.

2- ناۋرىز كۇنى استانا قالاسىنىڭ №2 الماتى اۋداندىق سوتى كۇدىكتىلەر - عاني سادىبەكوۆ پەن سەرىكباي جۇمالينوۆكە قاتىستى ەكى ايعا قاماۋدا ۇستاۋ تۇرىندەگى بۇلتارتپاۋ شاراسىن قولدانۋ جونىندە شەشىم شىعاردى.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى