قازاقستاندا حالىقارالىق تەرميندەردى قابىلداۋ قاعيداتتارى ازىرلەنۋدە

 «وزدەرىڭىزگە بەلگىلى، قازاق ءتىلى ءالىپبيىن لاتىن گرافيكاسىنا كوشىرۋ جونىندەگى ۇلتتىق كوميسسيا جانىنان تەرمينولوگيالىق جۇمىس توبى قۇرىلعان بولاتىن. تەرمينولوگيالىق جۇمىس توبىنىڭ وتىرىستارىندا قازاق تەرمينولوگياسىنىڭ قازىرگى جاي- كۇيى تالقىلانىپ، حالىقارالىق تەرميندەردى قابىلداۋ قاعيداتتارى سارالاندى. سونىمەن قاتار بارلىق تەرميندەرگە تىلدىك، ساپالىق، قولدانىستىق تۇرعىدان مونيتورينگ جاساۋعا كىرىستىك. وسى جۇمىستى اتقارۋ بارىسىندا قازاق ءتىلىنىڭ تەرمينجاسامدىق الەۋەتى، حالىقارالىق تەرميندەردى قابىلداۋدىڭ قاعدياتتارى دا دايىندالۋدا. ول ءۇشىن وتاندىق جانە شەتەلدىك عالىمداردىڭ تەرمينجاسامدىق ادىستەمەسى مەن ءادىسناماسى تالدانۋدا»، - دەدى ول.

ءمينيستردىڭ دەرەگىنشە، 2017 -جىلى ۇكىمەت جانىنداعى رەسپۋبليكالىق تەرمينولوگيا كوميسسياسى 3000 تەرميندى بەكىتتى جانە رەتتەلگەن تەرمينولوگيالىق قوردىڭ جالپى سانى 21 مىڭدى قۇرادى. سونىمەن قاتار ول وتكەن جىلعى رەسپۋبليكالىق ونوماستيكالىق كوميسسيانىڭ وتىرىستارى جايىندا دا ايتتى.

«2017 - جىلى ق ر ۇكىمەتى جانىنداعى رەسپۋبليكالىق ونوماستيكالىق كوميسسيانىڭ 5 وتىرىسى ءوتتى. ورتالىق، جەرگىلىكتى اتقارۋشى ورگانداردىڭ ۇسىنىستارى نەگىزىندە بارلىعى 1228 ۇسىنىس قارالىپ، 1153- ءى كوميسسيانىڭ وڭ شەشىمىنە يە بولدى. ونىڭ ىشىندە 64 نىسان، 1085 قۇرامداس بولىك جانە 4 اۋدان بار»، - دەدى ارىستانبەك مۇحامەدي ۇلى.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى