داليدىڭ بەيمالىم كارتيناسى

شەبەردىڭ بۇرىن بەيمالىم بولعان كارتيناسى 75 جىل جەكە كوللەكتسيادا ساقتالىپ كەلگەن. دالي شىعارماشىلىعىن زەرتتەپ جۇرگەن بەلگىلى ونەر ساراپشىسى نيكوليا دەشارن ءبىز اڭگىمەلەپ وتىرعان تۋىندىنىڭ ناعىز ءتۇپنۇسقا ەكەنىن ايتادى. ول 2014 -جىلى تابىلعان «سالۆادور ءداليدىڭ قۇرساقتا پايدا بولۋى» اتالاتىن كارتينانى انىقتاۋ بارىسىندا دا ۇلكەن ەڭبەك سىڭىرگەن بولاتىن.

 بىرىنشىدەن، كەنەپتەگى Gala Salvador Dali جازۋى ونىڭ ءومىرى مەن شىعارماشىلىعىندا ماڭىزدى ورىن العان جۇبايى گالاعا دەگەن قۇرمەتىن كورسەتسە كەرەك.

ەكىنشىدەن، كارتينادا داليدىڭ قولتاڭباسى ەكەنىنە ەشكىم كۇمان كەلتىرمەيتىن قوس بىردەي سۋرەتكەرلىك ەلەمەنت بار، ولار: قابىرعاداعى تەرەزە مەن سول تەرەزەدەن شىعاتىن فلاگشتوك. پيگمەنتتىك ەرەكشەلىگى دە شەبەر شىعارماشىلىعىنىڭ 1932 -جىلدارداعى كەزەڭىنە ساي كەلەدى. دالي ءوز ادەتىنە سالىپ بۇل سۋرەتتىڭ اتاۋىن دا مىڭ وزگەرتكەندىكتەن، دەشارن ونىڭ بۇرىن قاي كورمەلەرگە قويىلعانىن انىقتاي المادى. دەسە دە كارتينا پاريجدەگى پەر كولە گالەرەياسىندا وتكەن كورمەدە بولعانى انىق، سەبەبى 1932 -جىلعى جازبالاردا اتاۋسىز بىرنەشە جۇمىس بولعانى كورسەتىلگەن.

Massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى