پاۆلوداردا ءتورت كوللەدج ديپلوم كوشىرمەسىن ساتىپ كەلگەن

«تەحنيكالىق جانە كاسىبي ءبىلىم بەرۋ قۇجاتتارىنىڭ كوشىرمەسىن بەرۋدى اقىلى تۇردە جۇزەگە اسىرۋ زاڭسىز بولىپ تابىلادى، - دەدى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى پاۆلودار وبلىسى بويىنشا دەپارتامەنتىنىڭ مەملەكەتتىك قىزمەتتەر باسقارماسىنىڭ باس مامانى انەليا كاير. - مەملەكەتتىك نەمەسە جەكە مەنشىكتەگى كوللەدج ەكەنىنە قاراماستان، 2015-جىلدان بەرى مۇنداي قىزمەتتەر تەگىن كورسەتىلىپ كەلەدى».

ەڭ قىمبات كوشىرمەلەر ي ن ە ۋ كوللەدجىندە - ءۇش مىڭ تەڭگە بولىپ شىقتى. بۇل جەردە وتكەن جىلى 22 قۇجات «ساتىپ» ۇلگەرگەن. ول قاراجاتتى وقۋ ورداسى 2018-جىلدىڭ 1- ماۋسىمىنا دەيىن قايتارادى.

ەڭ تومەن باعا - ج. مۇسا اتىنداعى اقسۋ مەملەكەتتىك كوللەدجىندە - 592 تەڭگە. بۇل قىزمەتكە 57 ادام جۇگىنگەن. 34 قىزمەتتى پايدالانۋشىعا ءوز اقشالارى قايتارىلدى. قالعاندارىنا 2018-جىلدىڭ 1- مامىرىنا دەيىن كەرى بەرىلەدى.

«قازتۇتىنۋوداعى» پاۆلودار ەكونوميكالىق كوللەدجىندە ءۇش ايدىڭ ىشىندە 18 ادامعا قاراجاتى قايتارىلماق. تاعى 10 ادام ءوز اقشالارىن پاۆلودار پوليتەحنيكالىق جوعارى كوللەدجىنەن الادى.

سونىمەن قاتار، ت ج ك ب مەكەمەلەرىندە ديپلومنىڭ كوشىرمەسىن بەرۋ ۋاقىتى 20 كۇندى قۇراعان. ول ءۇشىن بار- جوعى جەكە كۋالىك پەن ءوتىنىش بەرۋ جەتكىلىكتى بولعان.

انەليا كايردىڭ ايتۋىنشا، دەپارتامەنتتىڭ ۇيعارۋىمەن ءبىلىم باسقارماسىنىڭ كوللەدجدەرى 108 قىزمەت پايدالانۋشىعا 100 مىڭ تەڭگەدەن استام قارجى قايتارادى.

پاۆلودار وبلىسىندا بارلىعى 50 كوللەدج جۇمىس جاسايدى. ونىڭ 16 سى - جەكە مەنشىك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى