اقتوبەدەگى مەديتسينالىق ورتالىقتا العاش رەت جۇرەككە كۇردەلى وتا جاسالدى
اقتوبەدە مەديتسينالىق كلاستەردى دامىتۋ ماقساتىندا كۇردەلى وپەراتسيالار شەبەرلىك ساباعى تۇرىندە وتەدى. ناۋرىز مەرەكەسى كۇندەرى استانا قالاسىنداعى عىلىمي كارديوحيرۋرگيا ورتالىعى، اريتمولوگيا ءبولىمىنىڭ مەڭگەرۋشىسى، مەديتسينا عىلىمدارىنىڭ دوكتورى ايان ابدراحمانوۆتىڭ قاتىسۋىمەن جۇرەككە كۇردەلى وتا جاسالدى.
«اقتوبە مەديتسينا ورتالىعىندا ءتورت وتا جاسالدى. ونىڭ بىرەۋى اۋرۋحانادا العاش رەت جۇرگىزىلدى. ياعني، СPT Д ارقىلى جۇرەكتەگى اقاۋ رەتتەلدى. ناۋقاستاردىڭ جاسى ءارتۇرلى. ولار 30-60 جاس ارالىعىنداعى ناۋقاستار جۇرەك ىرعاعىنىڭ بۇزىلۋ دەرتىنە شالدىعىپ، ەمحانادا تىركەلىپ، پورتالمەن كەلدى. ءبىز شەبەرلىك ساباعىن وتكىزىپ، كۇردەلى وتانى مەڭگەرۋدى قولعا الدىق»، - دەدى اقتوبە وبلىستىق مەديتسينا ورتالىعىنىڭ كارديولوگ - اريتمولوگى جامبىل جايلىبايەۆ.
دارىگەرلەر ءبىر كۇندە ءتورت ناۋقاسقا وتا جاساۋعا 10 ساعاتىن جۇمسادى. جۇرەك ىرعاعىنىڭ بۇزىلۋى، جۇرەك جيىرىلۋىنىڭ ناشارلاۋى، قان اينالىمنىڭ بۇزىلۋى، جۇرەك كامەراسىنىڭ ۇلكەيۋى.
«جۇرەك اۋرۋى جاسقا قارامايدى. كەيدە شۇعىل وتا جاساۋ قاجەت جاعدايلار تىركەلەدى. جۇرەگى توقتاپ قالعاندار دا كومەك الادى. اقتوبە وبلىستىق مەديتسينالىق ورتالىعىنداعى العاشقى وتانىڭ شەبەرلىك ساباعىنا كارديولوگ بولات حاميدۋللا دا قاتىستى. ءبىز كۇردەلى وپەراتسيانى الدىمەن شەبەرلىك ساباعى ارقىلى جاساپ، كەيىن ءوزىمىز مەڭگەرەمىز. ال جۇرەگىندە «شۋم» بار 15 ناۋقاسقا ءوزىمىز كومەك بەردىك. بۇل بىزدە ءجيى جاسالاتىن وتا»، - دەدى جامبىل جايلىبايەۆ.
اۆتور: التىناي ساعىندىقوۆا
