قازاقستان مەن شياڭگاڭ مادەنيەت سالاسىنداعى ىنتىماقتاستىقتى نىعايتپاق
قازاقستاننىڭ گونكونگتەگى باس كونسۋلدىعىنىڭ قولداۋىمەن ق ر مادەنيەت جانە سپورت مينيسترلىگىنىڭ جاۋاپتى حاتشىسى قۋاتجان ۋاليەۆ پەن شياڭگاڭ ارناۋلى اكىمشىلىك اۋدانىنىڭ ىشكى ماسەلەلەر جونىندەگى بيۋروسىنىڭ جاۋاپتى حاتشىسى بەتتي فۋنگ قول قويعان قۇجات قازاقستان مەن گونكونگتىڭ مادەنيەت، ونەر، تاريحي مۇرانى ساقتاۋ سالاسىنداعى ىنتىماقتاستىعىن نىعايتۋعا نەگىز بولىپ قالاندى.
قازاقستان دەلەگاتسياسىنىڭ شياڭگاڭ ىشكى ماسەلەلەر جونىندەگى بيۋروسىنىڭ، مادەنيەت جانە دەمالىس دەپارتامەنتىنىڭ، قالاداعى الدىڭعى قاتارلى مۋزەيلەر جانە تاريحي نىساندار باسشىلىعىمەن كەزدەسۋلەرى بارىسىندا ءتۇرلى مادەني شارالاردى بىرلەسە وتكىزۋ تۋرالى ناقتى كەلىسىمدەرگە قول جەتكىزىلدى.
گونكونگ تاراپىنا قازاقستانداعى رۋحاني جاڭعىرۋ پروتسەسى جانە ونىڭ باستى باعىتتارى، مەملەكەت باسشىسىنىڭ 5 الەۋمەتتىك باستاماسى، قازاق ءتىلىن لاتىن گرافيكاسىنا كوشىرۋ ۇدەرستەرى جايلى ايتىلدى.
ق. ۋاليەۆ گونكونگ پوليتەحنيكا ۋنيۆەرسيتەتىندە گونكونگتا وقىپ جۇرگەن قازاقستاندىق ستۋدەنتتەرمەن، سونداعى جوعارى وقۋ ورىندارىنىڭ پروفەسسور- وقىتۋشىلار قۇرامىمەن تانىستى.
ەسكە سالا كەتەيىك، 2017 -جىلعى قاراشادا گونكونگ تۇرعىندارىنا العاش رەت قازاقستان مۋزەيلەرىنىڭ ارحەولوگيالىق جادىگەرلەرى كورسەتىلگەن بولاتىن.
