ايەلدەرگە ارنالعان ەڭ جاقسى دارۋمەندەر
جىل مەزگىلدەرىنىڭ اۋىسۋى ادام اعزاسىنا ءتۇرلى وزگەرىستەر اكەلەتىنى دە راس. قىستىڭ كەزىندە دارۋمەننىڭ جەتىسپەۋشىلىگى سىرتقى ءتۇر- كەلبەتتەن كورىنەدى، بۇل شاشتىڭ قۇرعاۋى نەمەسە ءتۇسۋى، ۇنەمى شارشاڭقىلىق بەلگىسى. مۇنداي بەلگىلەرمەن اعزانى سايكەس دارۋمەندەرگە تولتىرۋ ارقىلى كۇرەسۋگە ابدەن بولادى.
«قانداي دارۋمەندەر پايدالى؟» دەگەن ساۋالعا جاۋاپ بەرە وتىرىپ، ادەمىلىك پەن سىر-سىمباتتى ساقتايتىندارى دەپ جاۋاپ بەرە الامىز. بالا كەزدەن انالار بالالارىن دارۋمەندى تاعامدارمەن قورەكتەنۋگە ۇيرەتە باستايدى. الايدا بالا كوبىنە مۇنى تىڭداي بەرمەيتىنى دە بەلگىلى. ەسەيە كەلە، سول دارۋمەندەردىڭ پايدالى ەكەنىن تۇسىنە باستايسىڭ.
A دارۋمەنىنىڭ پايداسى
A دارۋمەنى ايەلدەر ءۇشىن ەڭ جاقسى دارۋمەندەردىڭ ءبىرى بولىپ تابىلادى. بۇل دارۋمەن تەرىگە جاقسى اسەر ەتەدى، ونىڭ سوزىلىڭقى، شىمىر، تەگىس بولۋىن قامتاماسىز ەتەدى. كوزدىڭ كورۋ قابىلەتىن بۇل دارۋمەنسىز ەلەستەتۋ مۇمكىن ەمەس، سوندىقتان كوزى ناشار كورەتىن ادامدار ءۇشىن وتە پايدالى. يممۋنيتەت جاعدايى دا وسى دارۋمەنگە تىكەلەي تاۋەلدى. اعزا جەتكىلىكتى مولشەردە ا دارۋمەنىن قابىلداۋى ءۇشىن كوك ءشوپ پەن ەتتى كوبىرەك تۇتىنعانى ابزال. سونىمەن قاتار بۇل دارۋمەننىڭ كوپ مولشەرى شيكى سابىزدە، باۋىردا، بالىقتا، جۇمىرتقا مەن ءسۇت ونىمدەرىندە بار.
B دارۋمەنىنىڭ پايداسى
A دارۋمەنىمەن قاتارلاسا B دارۋمەنى ورنالاسقان. B دارۋمەندەر توبى - ايەلدەرگە ارنالعان ەڭ پايدالى دارۋمەندەردىڭ توبى، ولاردىڭ قاتىسۋىمەن اعزانىڭ كۇش- قۋاتى مولايادى. ۇيقىنىڭ قالىپتىلىعىن قامتاماسىز ەتەدى، كۇيزەلىستى جەڭۋگە كومەكتەسەدى. سىرتقى كەلبەتتىڭ قالىپتى بولۋى كوپ جاعدايدا ءدال وسى B دارۋمەنىنە دە بايلانىستى. وسى دارۋمەن ارقىلى ادام دەنەگە كۇش تۇسكەندە جەڭە الادى، ءتۇرلى ۆيرۋستىق اۋرۋلارمەن كۇرەسە الادى. جۇيكە جۇيەسىنىڭ قالىپتى بولۋىن قامتاماسىز ەتەدى. ادام ۆ دارۋمەنىن كەلەسىدەي تاعامداردى تۇتىنا وتىرىپ، قابىلداي الادى - باۋىر، ءتۇرلى ەت، بالىق، بۇرشاق، ءسۇت ونىمدەرى جانە ءداندى داقىلدار، جۇمىرتقا، جاسىل ءتۇستى كوكونىستەر.
B دارۋمەندەر توبى - ايەلدەر ءۇشىن ەڭ پايدالى دارۋمەندەر، ونىڭ قاتىسۋى ارقىلى اعزانىڭ كۇش- قۋاتى مولايىپ، جاقسى جۇمىس جاسايدى.
C دارۋمەنىنىڭ پايداسى
C دارۋمەنى ادام تەرىسىنىڭ ساۋلىعى ءۇشىن كوللاگەننىڭ كوزى سانالادى. ول راديكالدارمەن بەلسەندى كۇرەس جۇرگىزۋ ارقىلى قارتايۋ پروتسەسىن باياۋلاتادى. اعزادا س دارۋمەنى بولماعان كەزدە سۋىق ءتيۋ اۋرۋلارىن ءتيىمدى ەمدەۋ مۇمكىن ەمەس. مىقتى يممۋنيتەت جانە ۇزاق ءومىر ءسۇرۋ - بۇل اتالعان دارۋمەننىڭ شىنايى سەرىكتەرى. C دارۋمەنىنىڭ كوپ مولشەرىن سيترۋس جەمىستەرىنەن جانە شيكى كوكونىستەردەن جيناۋعا بولادى. دەنەگە كۇتىم جاساۋعا ارنالعان كوسمەتيكالىق قۇرالداردا دا س دارۋمەنى كوپتەپ كەزدەسەدى.
D دارۋمەنىنىڭ پايداسى
تەرىنىڭ جاي- كۇيىنە قامقورلىق جاساپ، ونىڭ ىلعالدىلىعىنا جاۋاپ بەرەتىن تاعى ءبىر ورنىن وزگە باسا المايتىن دارۋمەننىڭ ءبىرى - D. ادام سۇيەگى D دارۋمەنى ارقىلى كالتسييمەن بايىتىلىپ، وستەوپوروز سىندى اۋرۋدىڭ دامۋىنا توسقاۋىل بولا الادى. ايەلدەردىڭ ەتەككىرى سيكلى كەزىندەگى اۋىرسىنۋلاردى تومەندەتەدى. بۇل دارۋمەن بالىق مايىندا وتە كوپ بولادى. سونىمەن قاتار ەت، بالىق جانە جۇمىرتقادا دا بار.
E دارۋمەنىنىڭ پايداسى
ايەلدەر ءۇشىن ەڭ ۇزدىك دارۋمەندەر توبىنىڭ قۇرامىنا ەنەتىن ە دارۋمەنىنىڭ ارتىقشىلىعى مەن پايداسى جايىندا سۇراۋدىڭ دا قاجەتى شامالى. بۇل كومپونەنت ادام تەرىسىنىڭ جاي- كۇيىنە جاۋاپ بەرەتىن بارلىق دارۋمەندەرمەن ىرگەلەس جانە تاماشا ۇيلەسەدى. بۇل دارۋمەن اعزانىڭ قارتايۋى مەن ءسىڭىرىلۋى، ۋلترا كۇلگىن ساۋلەلەنۋدىڭ اسەرىنەن قورعاۋ قىزمەتتەرىن ورىندايتىن جاسۋشالاردىڭ ءوسۋىن ىنتالاندىرۋ جانە ولاردىڭ جاڭارۋى سياقتى ءبىرقاتار ماڭىزدى پروتسەستەرگە قاتىسادى. ە دارۋمەنى انتيوكسيدانتتىڭ ەرەكشە قاسيەتتەرى ارقىلى بىلىنەدى. اعزانى جەتكىلىكتى E دارۋمەنىمەن قامتاماسىز ەتۋ ءۇشىن وسىمدىك مايى، استىق داقىلدارى مەن جاڭعاقتى كوپ جەۋ كەرەك.
F دارۋمەنىنىڭ پايداسى
بۇل دارۋمەنگە ايەلدەردىڭ ايرىقشا سۇيىسپەنشىلىگى وعان سۇلۋلىق دارۋمەنى دەگەن اتاۋدى بەلگىلەپ بەرىپ وتىر. F دارۋمەنى ارقىلى اعزاداعى مايلار ىدىرايدى. ول شاش پەن تەرىنىڭ جاي-كۇيىنە جاۋاپ بەرەدى. سوندىقتان ونى كوسمەتولوگيادا پايدالانادى. وسىمدىك مايلارى بۇل دارۋمەنگە وتە باي.
H دارۋمەنىنىڭ پايداسى
ن دارۋمەنىنىڭ پايداسى كوپ بولماسا دا، ونىڭ ورنىن باسقا دارۋمەن باسا المايتىنى انىق. بۇل دارۋمەننىڭ قۇرامىنداعى كۇكىرت قوسپاسى تەرى، شاش جانە تىرناق ساۋلىعىنا وڭ اسەرىن تيگىزەدى. ن دارۋمەنىن باۋىر، كۇرىش، ۇن ونىمدەرى، جاڭعاق جانە ساڭىراۋقۇلاقتان الۋعا بولادى.
ازىق- تۇلىك ونىمدەرىندەگى دارۋمەندەر كەشەنىنىڭ مازمۇنىمەن تانىسۋ ارقىلى ايەلدەرگە قانداي دارۋمەننىڭ جاقسى ەكەندىگى تۋرالى ساۋالدى مۇنان كەيىن قويماساڭىز دا بولادى.
دەرەككوز: http://www.zhenskoeschastie.com
