قازاقستاندىق «كالكۋلياتور قىز» حالىقارالىق وليمپيادادا جەڭىسكە جەتتى

سايىسقا الەمنىڭ 8 ەلىندەگى «ىSMA»  مەكتەپتەرىنىڭ 5-16 جاس ارالىعىنداعى 1000 نان اسا وقۋشى قاتىستى.

9 جاسار نازەركە سەيسەنبەرگەن حالىقارالىق دەڭگەيدە العاش رەت جەڭىمپاز اتاندى. ول جاڭاوزەندەگى 3 -مەكتەپتىڭ 3-سىنىپ وقۋشىسى. مەكتەپتە مەنتالدى اريفمەتيكانى وقىپ جۇرگەنىنە 3 جىل بولىپتى.

وقۋشى قىزدىڭ اكەسى ناريمان قويشىبايەۆتىڭ سوزىنشە، قازىرگى ۋاقىتتا نازەركە ءۇش ساندى، ءتورت ساندى سانداردى قوسۋ، ازايتۋ ءتارىزدى ءتورتىنشى دەڭگەيدەگى تاپسىرمالاردى ويشا شەشە الادى ەكەن. ال كوبەيتۋ مەن ءبولۋ بويىنشا ەسەپتەردى ەرەسەكتەۋ بالالار شەشەدى. مۇنداي تاپسىرمالاردىڭ ەڭ كۇردەلىسى - 10- دەڭگەي.

2018 -جىلدىڭ قاڭتار ايىندا نازەركە جاڭاوزەندە وتكەن مەنتالدى اريفمەتيكا بويىنشا قالالىق سايىستا ءبىرىنشى ورىندى يەلەنىپتى. وسىلايشا حالىقارالىق وليمپياداعا قاتىسۋعا مۇمكىندىك العان.

بۇل تۋرالى «لادا» باسىلىمىنا سىلتەمە جاساپ Stan.kz حابارلايدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى