قىزىلجارلىق شەبەر ادامنىڭ كوڭىل-كۇيىن «تۇسىنەتىن» قۋىرشاقتار جاسايدى - فوتو

ول «قازاقپارات» ح ا ا تىلشىسىنە ءوزىنىڭ سۇيىكتى ءىسى مەن جۇمىسىنداعى قيىندىقتارى تۋرالى ايتىپ بەردى.

كاتيانىڭ جيىنتىعىندا ءبىر-بىرىنە ۇقسايتىن قۋىرشاق جوق. ءارقايسىسىنىڭ وزىندىك ءستيلى مەن مىنەزى بار.

«قالايشا وسىلاي بولاتىنىن ءوزىم دە تۇسىنبەيمىن. مۇمكىن، ولاردى جاساعانداعى كوڭىل-كۇيىمە بايلانىستى شىعار»، - دەپ كۇلدى كاتيا.

كاتيا ماماندىعى بويىنشا گرافيكا ديزاينەرى، ءبىراق ول مودەلەر بولۋدى ارمانداعان.

قۋىرشاقتاردى جاساۋدا ماتا ەرەكشە ءرول وينايدى. كاتيا قۋىرشاقتاردىڭ دەنەسىن جاساۋ ءۇشىن فليستى - دەنە تۇستەس تريكوتاجدان جاسايدى. ول ءمىنسىز بولۋى ءۇشىن ارنايى تريكوتاج كەرەك. ونى تەك ينتەرنەت- دۇكەندەردەن تاپسىرىسپەن نەمەسە كورشى رەسەيدەن الدىرادى.

«قازىر مەن كوزى ايقىن كورىنەتىن قۋىرشاقتار جاساپ ءجۇرمىن. وعان تىعىز ماتانى قولدانامىن. ونى سايكەس تۇسپەن بويايمىن. كوزدەرىن اكريلمەن جانە پاستەل قارىنداشتارىمەن سالامىن»، - دەيدى كاتيا.

تاعى ءبىر ماسەلە - قالادا قۋىرشاقتار ءۇشىن شاشتاردىڭ بولماۋى. ونى دا ينتەرنەت- دۇكەندەرگە تاپسىرىس بەرىپ، ءبىر ايدىڭ ىشىندە الادى.

«ماعان كيىم ماتالارىن گەرمانياداعى تۋىستارىم جىبەرەدى. اياق- كيىمدەرىن فواميراننان - جاساندى كۇدەرىدەن ءوزىم جاسايمىن. توقىلعان كيىمدەرى مەن باس كيىمدەرى دە مەنىڭ قولىمنان شىققان تۋىندىلار»، - دەپ كۇلدى كاتيا.

ەڭ ۇزاق جانە قيىن جۇمىس - قۋىرشاقتى سينتەپونمەن تولتىرۋ.

ءبىر ويىنشىقتى جاساۋعا ءبىر- ءۇش كۇن ۋاقىت كەتەدى. بارلىعى ونىڭ قيىندىعىنا، شەبەردىڭ بوس ۋاقىتىنا جانە شابىتىنا بايلانىستى. كاتيا مۇنىمەن توقتاپ قالماي، قازىر بالالار كيىمدەرىن تىگۋدى باستاعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى