اقتوبەدە وكشەلى ەتىگىمەن نيۆا كولىگىن سۇيرەگەن ايەل جۇرتتى تاڭقالدىردى - ۆيدەو
تاقالى ەتىگىمەن ەرلىك كورسەتكەن بالاباقشا تاربيەشىسىنىڭ ءىسى كوپشىلىكتى تاڭقالدىردى، دەپ حابارلايدى قازاقپارات ءتىلشىسى.
اقتوبە وبلىسىنىڭ شالعاي اۋىلىندا تۇراتىن ءمادينا نۇرماعامبەتوۆا بالاباقشادا تاربيەشى بولىپ جۇمىس ىستەيدى. ءتورت بالانىڭ اناسى ناۋرىز مەرەكەسى كۇنى نيۆا كولىگىن سۇيرەپ، كوپشىلىكتى تاڭقالدىردى. الەۋمەتتىك جەلىگە تاراپ كەتكەن ۆيدەونى كورگەن ادامداردىڭ كەيبىرى قارسى شىقسا، كەيبىرى «الىپ انادان تۋادى» دەپ قولداۋ ءبىلدىردى.
«ناۋرىز مەرەكەسى كۇنى بىزدە مادەني-سپورتتىق شارا ءوتتى. العاشىندا نيۆا كولىگىن ەر ازاماتتار سۇيرەدى. كەيىن مەكتەپ ديرەكتورى بەكجان قاراسايەۆ مەرەكەلىك كوڭىل-كۇي ءۇشىن باق سىناپ كورۋدى ۇسىندى. كولىك سۇيرەۋگە كەلىسىمىمدى بەرىپ، 14 سەكۋندتا 3-5 مەتر قاشىقتىققا سۇيرەدىم. بىزدە ءبىرىنشى ورىن، باس جۇلدە دەگەن جوق. اركىم وزىنە سىي الدى»، - دەدى بالاباقشا تاربيەشىسى ءمادينا نۇرماعامبەتوۆا.
اقشاتاۋ اۋىلىنىڭ تۇرعىنى وت جاعىپ، كۇل شىعارادى، مال جايلايدى. قارا جۇمىستى ءوزى اتقارا بەرەتىن تاربيەشى سول كۇنى اياق-قولىنىڭ بۇلشىق ەتى اۋىرعانىن جاسىرمادى.
«كولىكتى سۇيرەۋ قيىن. ءبىراق بار كۇشىمىزدى سالدىق. مەنىمەن بىرگە كوپبالالى ايەل دە كولىكتى سۇيرەدى. كەيىن قولىم مەن اياعىمنىڭ بۇلشىق ەتى اۋىردى، سىرقىرادى. ءبارىن ۇمىتىپ كەتتىك»، - دەدى م. نۇرماعامبەتوۆا.
Улыстын улы куні кутты болсын
