قاي ماماندىق يەلەرى ەڭ از ۇيىقتايدى - زەرتتەۋ

بۇدان باسقا، جاڭا زەرتتەۋ ۇيقىنىڭ ساپاسى مەن ۇزاقتىعىنا ادامنىڭ اينالىساتىن كاسىبى دە ىقپال ەتەتىنىن انىقتادى.

Hillarys بريتاندىق ۇيگە ارنالعان توقىما برەندى قاي ماماندىق يەلەرىنىڭ ەڭ از ۇيىقتايتىنىن انىقتاۋ ماقساتىندا 5 مىڭنان استام رەسپوندەنت قاتىسقان زەرتتەۋ جۇرگىزدى، دەپ حابارلايدى Harper's Bazaar.

ناتيجەسىندە كوبىنە ۇيقىسى قانبايتىن بەس ماماندىق وكىلدەرى انىقتالدى. رەيتينگ باسىندا مەديتسينا قىزمەتكەرلەرى كوش باستاپ تۇر - ولار تاۋلىگىنە ورتاشا ەسەپپەن 4 ساعات 15 مينۋت شاماسىندا عانا ۇيىقتايدى. ودان كەيىن ورىندارعا قۇقىق قورعاۋ ورگاندارىنىڭ قىزمەتكەرلەرى (شامامەن 4 ساعات 30 مينۋت)، پەداگوگتار (4 ساعات 50 مينۋت) جايعاستى. سونىمەن قاتار، ۇيقىلارى قانبايتىن ماماندىق وكىلدەرىنىڭ ۇزدىك بەستىگىنە جۋرناليستەر مەن قىزمەت كورسەتۋشى پەرسونال دا ەندى.

ءوز كەزەگىندە، ۆيزاجيستەر مەن شاشتارازدى قوسا العاندا ءسان يندۋسترياسى وكىلدەرىنىڭ ەڭ كوپ ۇيىقتايتىنى انىقتالدى - تاۋلىگىنە 9 ساعات 40 مينۋت. باسقالارعا قاراعاندا ەڭ ۇزاق ۇيىقتاۋ مۇمكىندىگى بار ماماندىق يەلەرىنىڭ بەستىگىنە تەلەفون ساتاتىن مەنەجدەرلەر، ساقتاندىرۋ سالاسى مەن بولشەكتىك ساۋدا قىزمەتكەرلەرى، سونداي-اق قۇرىلىسشىلار ەندى.

زەرتتەۋ بارىسىندا رەسپوندەنتتەردىڭ 89 پايىزى وزدەرىنىڭ ۇيقىلارى قانبايتىنىن اتاپ وتكەن. ۇيقىنىڭ ساپاسىنا كەرى اسەر ەتەتىن ەڭ كوپ تارالعان سەبەپتىڭ قاتارىندا كۇيزەلىس پەن قۇرامىندا كوفەينى بار سۋسىنداردى مولشەردەن تىس تۇتىنۋدى اتاپ وتكەن. بۇدان باسقا، زەرتتەۋگە قاتىسۋشىلاردىڭ جارتىسىنان كوبى ۇيقىنىڭ ناشار بولۋىنىڭ نەگىزگى سەبەبى رەتىندە دەنساۋلىق جاعدايى مەن وزدەرىن ناشار سەزىنۋ پروبلەمالارىن اتاعان.

 دەرەككوزى: segodnya.ua

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى