استانا ارلاندارى ءۇندىستاننىڭ كومانداسىن تىزە بۇكتىردى

العاشقى جەكپە-جەكتە تەمىرتاس ءجۇسىپوۆ (49 ك گ) شيام كۋمار كاكارانى 2:1 ەسەبىمەن (50:45، 48:47، 47:48) تىزە بۇكتىرسە، نۇرسۇلتان قوسشىعۇلوۆ (56 ك گ) ءۇندىستاندىق بوكسشى ەتاش حان مۋحاممەدكە ەسە جىبەرگەن بولاتىن - 0:3 (46:49، 47:48، 46:49) .

ەسەسىنە ءدىلمۇرات ميجيتوۆ (64 ك گ) دحەەرايدفتى 2:1 (50:45، 47:48، 49:46) ەسەبىمەن جەڭدى.

75 كەلىگە دەيىنگى سالماقتا ءابىلحان امانقۇل جەرگىلىكتى بوكسشى اشيش كۋمارمەن جەكپە- جەككە شىقتى. 5 راۋندا سوزىلعان كەزدەسۋدە قازاق جىگىتى قارسىلاسىن قۋىپ ءجۇرىپ سابادى. ءۇش تورەشى دە جەڭىسكە قازاقستاندىق بوكسشى لايىق دەپ تانىدى (49:45,50:45,49:46).

 وسىلايشا ول «Astana Arlans» كومانداسىنا مەرزىمىنەن بۇرىن جەڭىس سىيلادى - 3:1.

91 كەلىگە دەيىنگى سالماقتا ءابىلحايىر تۇرلانبەك ساندجەت ساندجەتتەن ايلاسىن اسىرا المادى. بۇل ونىڭ دەبيۋتتىك جەكپە-جەگى بولاتىن. وسىلايشا جالپى ەسەپ 3:2 بولىپ اياقتالدى.

ەسكە سالا كەتەيىك، قوس كوماندانىڭ ءبىرىنشى كەزدەسۋى 10 -اقپان كۇنى قاراعاندى قالاسىندا ءوتىپ، جەرلەستەرىمىز 4:1 ەسەبىمەن جەڭىسكە جەتكەن بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى