قازاق- قىرعىز شەكاراسىنان ءوتۋ مۇمكىندىكتەرى ارتپاق
قازاقستان ەلشىلىگىنىڭ مالىمەتىنشە، كەزدەسۋ بارىسىندا تاراپتار قىرعىز رەسپۋبليكاسىنىڭ پرەزيدەنتى سوورونباي جەەنبەكوۆتىڭ 2017 - جىلدىڭ 25-26 - جەلتوقسانىندا استاناعا ساپارى بارىسىندا قول جەتكىزىلگەن ۋاعدالاستىقتاردى ورىنداۋ اياسىندا ەكى ەل شەكاراسىن قورعاۋ جانە شەكارا ينفراقۇرىلىمىن جاقسارتۋ سالاسىنداعى ىنتىماقتاستىق ماسەلەلەرىن تالقىلادى.
«سارتوبە» ، «اۋقاتتى» وتكىزۋ پۋنكتتەرىنىڭ جۇمىسىن جەتىلدىرۋ، «قاراسۋ» وتكىزۋ- باقىلاۋ پۋنكتى كوپىرىن جاڭعىرتۋ، جازعى تۋريستىك ماۋسىمدا شەكارا وتكەلدەرىنىڭ وتكىزۋ قابىلەتىن ارتتىرۋ ماسەلەلەرىنە ايرىقشا نازار اۋدارىلدى. مەملەكەتتىك شەكارانىڭ قازاقستاندىق- قىرعىزستاندىق ۋچاسكەسىندەگى وتكىزۋ پۋنكتەرىمەن تانىسۋ تۋرالى كەلىسىمگە قول جەتكىزىلدى» ، - دەلىنگەن قازاقستان ەلشىلىگى تاراتقان حابارلامادا.
كەزدەسۋ سوڭىندا تاراپتار مۇنان ارى دا جەمىستى ىنتىماقتاستىقتى جالعاستىرۋعا نيەتتى ەكەندىكتەرىن اتاپ ايتتى.
