كوكشەتاۋدا «قارا جورعاعا» بيلەگەن جورعانىڭ ۆيدەوسى جۇرتتى ءتانتى ەتتى - كەسكىن
كوكشەتاۋدىڭ ورتالىق الاڭىندا «قارا جورعا» بيىنە بيلەگەن جورعانىڭ ۆيدەوسى جەلىنى شارلاپ كەتتى. ۇيىمداستىرۋشىلار رەسپۋبليكالىق ات سپورتى دودالارىنىڭ جەڭىمپازى رامازان ماحاتوۆتى قىزعالداق اتالعان جورعاسىمەن سولتۇستىك قازاقستان وبلىسىنان شاقىرعان.
«ءبىز كورشى وبلىستارمەن تىعىز بايلانىس جاسايمىز. جازدا س ق و- دا بولعان سپارتاكيادا كەزىندە وسى ءبيشى اتتى كورگەن ەدىك. شاراعا دايىندالۋ بارىسىندا سول ەسىمىزگە ءتۇسىپ، رامازانعا حابارلاستىق. سويتسەك ول تارازداعى تۋرنيرگە دايىندىق ۇستىندە ەكەن. دەگەنمەن ءبىزدىڭ ءوتىنىشىمىزدى دە جەردە قالدىرمادى. جورعانىڭ «قارا جورعاعا» بيلەۋى نەتكەن جاراسىمدى ەدى»، - دەيدى كوكشەتاۋ مادەنيەت جانە تىلدەردى دامىتۋ ءبولىمىنىڭ باسشىسى ايگۇل ءسابيتوۆا.
ونىڭ سوزىنە قاراعاندا، الاڭداعى مۇزعا تايعاناقتاعانىمەن، ءان شىرقالا باستاسىمەن جورعا بيلەي جونەلگەن.
