پاۆلودارلىق تۇرعىن جارالى جاپالاقتى قاناتىنا سىم تاعىپ قۇتقاردى - كەسكىن
جارالى قۇستى تاۋىپ العان كاچير اۋدانىنىڭ تۇرعىنى بىردەن «سەردتسا پاۆلودارا» قوعامدىق قورىمەن بايلانىسقا شىققان. كەيىن جاپالاقتى پاۆلودارداعى ۆەتەرينارلىق كلينيكالاردىڭ بىرىنە تەكسەرتىپ، قاناتىنا سىم تاعىپ، وتا جاساعان. وتا ءساتتى ءوتتى.
«قۇستى فيل دەپ اتادىق. ونىڭ كولەمى كوگەرشىنمەن بىردەي. جۋىق ارادا نوۆوسىبىردەگى جىرتقىش قۇستاردىڭ ارنايى وڭالتۋ ورتالىعىمەن حابارلاسامىن. فيل قازىرگى ۋاقىتتا جاقسارىپ قالدى»، - دەيدى «سەردتسا پاۆلودارا» قوعامدىق قورىنىڭ ءتورايىمى ماريا گرەبەنكينا.
ايتا كەتەيىك، «سەردتسا پاۆلودارا» قوعامدىق بىرلەستىگىنىڭ بۇل العاشقى قۇتقارعان قۇسى ەمەس. وتكەن جىلدىڭ قىركۇيەگىندە قور قىزمەتكەرلەرى جاس بۇركىتتى تاۋىپ العان. جاراقاتى بولعان بۇركىتتى كەيىن جەرگىلىكتى بۇركىتشىلەر الىپ كەتكەن.
