استانادا ءزابىر كورگەن ءۇي جانۋارلارىنىڭ ماسەلەسىنە ارنالعان فوتوكورمە وتەدى
24 -ناۋرىز ساعات 13:00-دە «Keruen city» و س و جىل سايىن «مەن سەزىنەمىن» اتتى قايىرىمدىلىق كورمەسىن باستايدى.
كورمە ءزابىر كورگەن ءۇي جانۋارلارىنىڭ ماسەلەسىنە ارنالعان. ونى استانانىڭ بەيجاي قالمايتىن تۇرعىندارى ۇيىمداستىردى، ياعني قايىرىمدى ءىس جاسايتىن ادامداردى بىرىكتىرۋ ءۇشىن «استانا قايىرىمدىلار كلۋبى» ەرىكتىلەر قوزعالىسىن قۇردى.
بيىل ءىس-شارا استانا اكىمدىگىنىڭ قولداۋىمەن ءوتتى.
وتانعا دەگەن ماحاببات ءاربىر ازاماتتىڭ الەۋمەتتىك جاۋاپكەرشىلىگى. بۇل تۋرالى «رۋحاني جاڭعىرۋ» ۇلت مودەرنيزاتسياسىنىڭ «اتامەكەن» رۋحاني باعدارلاماسى باعىتىندا ايتىلادى.
فوتوكورمەنى ۇيىمداستىرۋشىلار ادامداردان زارداپ شەگىپ، كوشەدە قاڭعىپ قالعان جانۋارلاردىڭ ايانىشتى حالىنە استانا تۇرعىندارىنىڭ نازارىن اۋدارتۋدىڭ مۇمكىندىگى دەپ ەسەپتەيدى. ولاردىڭ ماقساتى - ادامداردىڭ جانۋارلارعا دەگەن نەمقۇرايدىلىعىن تۇبىرىمەن جويۋ.
كورمەگە استانالىق 9 فوتوگرافتىڭ جۇمىسى قويىلعان: رۋسلان حاسانوۆ، تيمۋر جۇماتوۆ، ەلەنا سىچيەۆا، يرينا احماديەۆ، ليليا باترەيەۆا، ءسانيا قۇدايقۇلوۆا، انار مايكوپوۆا جانە ەلەنا پولياكوۆا.
سۋرەتتەردە ءۇيسىز قاڭعىرىپ جۇرگەن جانۋارلارعا دەگەن نەمقۇرايدىلىق پەن ولارعا زورلىق-زومبىلىق كورسەتۋدى تۇبىرىمەن جويۋ كەرەكتىگىنە شاقىرعان. كورمەنى ۇيىمداستىرۋشىلار يگىلىكتى ءىستىڭ وسىنداي كىشىگىرىم نارسەلەردەن باستالاتىنىن، بالالاردى جانۋارلارعا جاناشىر ەتىپ وسىرسە، بولاشاقتا ولار باسقا ادامداردى دا جاقسى كورە بىلەدى دەيدى.
كورمەگە كىرۋ تەگىن، وندا قايىرىمدىلىق جارناسىن ءبولۋ مىندەتتى ەمەس، ءبىراق ەرىكتى تۇردە قول ۇشىن سوزعىسى كەلەتىندەرگە ارنايى جاشىك ورناتىلعان. قايىرىمدىلىققا بولىنگەن بارلىق قاراجات «كوۆچەگ» پانالاۋ ءۇيى مەن قالا بويىنشا @zverohelp_astana جانۋارلاردى قورعاۋ جونىندەگى قوزعالىستىڭ ەرىكتىلەرىنە ءبولىنىپ بەرىلەدى.
وتەتىن ۋاقىتى: 24 -ناۋرىز - 6 -ءساۋىر.
