وسكەمەندە «الىپ باۋىرساقتاردىڭ» بايقاۋى ءوتتى - فوتو
«قازسينك» ج ش س ۇيىمداستىرعان بايقاۋدىڭ جەڭىمپازى لەد-ەكراندى تەلەديدار ۇتىپ الدى، دەپ حابارلايدى قازاقپارات ءتىلشىسى.
جىل سايىن وتەتىن بۇل بايقاۋدىڭ بيىلعى جەڭىمپازىنا «سامسۋڭ» تەلەديدارى بەرىلەتىنى حابارلانعان بولاتىن. بايقاۋدىڭ اقتىق سىنىنا التى ۇمىتكەر شىقتى. باستى شارت - باۋىرساق ۇلكەن ءارى جەۋگە جارامدى بولۋى كەرەك. بوريس الەكساندروۆ اتىنداعى سپورت سارايىنىڭ الاڭىنا جينالعان جۇرت الىپ باۋىرساقتاردىڭ كوزبەن كورىپ قانا قويماي، ءدامىن دە تاتتى. ۇيىمداستىرۋشىلار بايقاۋعا ۇسىنىلعان باۋىرساقتاردىڭ كولەمىن سىرتىنان جىپپەن وراۋ ارقىلى ولشەدى. وسى ولشەۋلەر ناتيجەسىندە ناتاليا دياتلوۆا دايىنداعان سالماعى التى كەلى، ديامەترى 90 سانتيمەتر باۋىرساق ەڭ ءىرىسى بولىپ تانىلدى.
