ش ى ۇ بەيجىڭدە ناۋرىزدى اتاپ ءوتتى
شاراعا ەلشىلەر، ق ح ر- دا اككرەديتتەلگەن ديپلوماتيالىق ميسسيالار وكىلدەرى، بەلگىلى قوعام قايراتكەرلەرى، عالىمدار، جۋرناليستەر، بيزنەس وكىلدەرى، جالپى 400-دەن استام ادام قاتىستى.
بيىلعى ناۋرىزعا ارنالعان مەرەكەلىك شارانىڭ ءبىر ەرەكشەلىگى، وعان 2017 - جىلدىڭ ماۋسىمىندا استانادا وتكەن ش ى ۇ سامميتىندە ۇيىمنىڭ تولىق مۇشەلىگىنە قابىلدانعان پاكىستان مەن ءۇندىستان وكىلدەرى العاش رەت قاتىستى.
مەرەكەمەن قۇتتىقتاعان ش ى ۇ باس حاتشىسى راشيد اليموۆ ءۇش مىڭ جىلدان بەرى ناۋرىز جەر بەتىندەگى ميلليونداعان ادامنىڭ سۇيىكتى مەيرامى رەتىندە تويلاناتىنىن ايتتى.
«ناۋرىز ادامداردى تابيعاتپەن ۇندەس ءومىر سۇرۋگە باۋلىپ، قايىرىمدىلىق، مەيىرىمدىلىك، دوستىق پەن ىنتىماق، گۇلدەنگەن بولاشاق قۇرۋ يدەيالارىن ناسيحاتتايدى، بۇل «شڭحاي پرينتسيپتەرىنە» دە تولىعىمەن سايكەس كەلەدى»، - دەدى ول.
باس حاتشىنىڭ وسى سوزىنە ۆيدەو ارقىلى قۇتتىقتاعان ش ى ۇ- عا مۇشە مەملەكەتتەردىڭ ق ح ر- داعى ەلشىلەرى، ق ح ر ۇكىمەتىنىڭ ش ى ۇ- داعى ارناۋلى وكىلى، ش ى ۇ حاتشىلىعىنىڭ ۇجىمى دا قوسىلدى.
شارادا قوناقتارعا 2017 -جىلعى 31 - جەلتوقسان كۇنى كۇنميڭ قالاسىندا (ق ح ر، يۇننان پروۆينتسياسى) وتكەن ش ى ۇ حالىقارالىق مارافونىنىڭ فوتوكورمەسى، ۇلتتىق قولدانبالى ونەر تۋىندىلارىنىڭ كورمەسى ۇسىنىلدى.
