قازاقستان پرەزيدەنتى وزبەكستان حالقىن ناۋرىز مەرەكەسىمەن قۇتتىقتادى
«بۇگىنگى مۇمكىندىكتى پايدالانا وتىرىپ، بۇكىل وزبەك حالقىن ناۋرىز مەرەكەسىمەن قۇتتىقتايمىن. ءبىز جاقىندا ورتالىق ازيا مەملەكەتتەرىنىڭ باسشىلارى بولىپ كەزدەسۋ وتكىزدىك. ءبىز بىرگە بولامىز، ساۋدا- ساتتىقتى، مادەنيەتتى بىرلەسىپ دامىتامىز دەپ كەلىستىك. قازاق پەن وزبەك حالقىنىڭ ءتىلى، ءدىنى ءبىر. بۇل يگىلىكتەر قانشاما عاسىرلاردان بەرى جالعاسىپ كەلەدى. اتا- بابالارىمىز سالىپ كەتكەن جولدى ءبىز جالعاستىرۋىمىز كەرەك، بۇگىنگىدەي قيىن- قىستاۋ كەزەڭدە بىرگە بولۋىمىز كەرەك. ءبىر- بىرىمىزدەن ءبىلىم، الىپ تاجىريبە الماسىپ ۇيرەنۋىمىز كەرەك»، - دەدى پرەزيدەنت قۇتتىقتاۋىندا.
ايتا كەتەيىك، كەشە مەملەكەت باسشىسى نۇرسۇلتان نازاربايەۆ سامارقاند قالاسىنا جۇمىس ساپارى بارىسىندا وزبەكستان پرەزيدەنتى شاۆكات ميرزييەۆپەن كەزدەستى.
