قازاقستاندىق وقۋشى «سويلەيتىن» قولعاپ ويلاپ تاپتى

 ول ءوز جۇمىسىن «استانا بولاشاقتىڭ قالاسى: ارحيتەكتۋرالىق ەلوردا. 20 جىل» ناۋرىز كەزدەسۋىندە ۇسىندى، دەپ حابارلايدى ەلوردا ينفو.

قۋات كوزىنە قوسىلعان قولعاپ Bluetooth بەن تەلەفونعا بايلانىستىرىلعان. باتتون اتتى باتىرمانى باسقان كەزدە ءماتىن سول ساتتە تەلەفوننىڭ ەكرانىنا شىعادى، كەيىن ايەل داۋىسىمەن سويلەيتىن باعدارلاما سول سوزدەردى اۋىزشا ايتادى.

«ءبىز مىلقاۋ ادامدارعا كومەكتەسكىمىز كەلدى. ءبىز سەرىكتەسىم ەكەۋمىز باسقا پلاتفورمالاردى قارادىق، الايدا وسى قولعاپقا توقتاۋدى ءجون كوردىك. سەبەبى، ول ۇنەمى قولدا جۇرەدى جانە ىڭعايلى. بۇل قولعاپتى سۋ وتكىزبەيتىندەي، قىستا جىلى نەمەسە كوكتەم مەن جازدا ىڭعايلى ەتىپ جاساۋعا بولادى» ، - دەدى ول.

سونداي- اق، ول بۇعان قوسىمشا ۇيالى تەلەفونعا ارنالعان ارنايى قولدانبا جاساپ شىققان.

 «ونىڭ پروتوتيپى 30 دوللار تۇرادى. ءبىز ينتەرنەت- سايت ارقىلى Arduino پروتسەسسورىن ساتىپ الدىق. تەلەفون بارىمىزدە بار عوي. ءتىپتى، Bluetooth ى بار ەڭ قاراپايىم تەلەفون ارقىلى دا دىبىستى تىڭداۋعا بولادى» ، - دەپ اتاپ ءوتتى مەكتەپ وقۋشىسى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى