الماتىلىقتارعا «تار زامان» تەلەسەريالى تانىستىرىلدى

فيلمنىڭ رەجيسسەرى مۇرات بيدوسوۆتىڭ ايتۋىنشا، 12 سەريادان تۇراتىن تەلەسەريال 22-28 - اقپان ارالىعىندا كينوپراوكاتتا كورسەتىلگەن «تار زامان» تاريحي دراماسىنىڭ كەڭەيتىلگەن نۇسقاسى.

«مەنىڭشە، جوبا قىزىقتى بولدى، ونى تەك كورۋ كەرەك. تۋىندىنى ءتۇسىرۋ دە وڭاي بولعان جوق جانە ونىڭ دا وزىندىك قىزىقتى جاقتارى بار. بۇل تەليەۆيزيالىق جوبا بولاتىن، ونىڭ بيۋدجەتى شەكتەۋلى ەدى. سوعان قاراماستان ونى تۇسىرۋگە دەگەن ۇمتىلىس مىقتى بولدى. فيلم جامبىل، الماتى، پاۆلودار وبلىستارى مەن رەسەيدە ءتۇسىرىلدى» ، - دەدى رەجيسسەر مۇرات بيدوسوۆ.

وقيعانىڭ سيۋجەتى 20 - عاسىردىڭ باسىن قامتيدى. بۇل ۇلكەن وزگەرىستەر زامانى بولاتىن. ەكى ريەۆوليۋتسيانى باستان وتكەرگەن قازاق ينتەلەگەنتسياسى «الاش» قوزعالىسىن قۇردى. تاريحي تۋىندىدا 1917 -جىلدارداعى قازاق تاريحىندا وزىندىك ءىز قالدىرعان ايتۋلى تۇلعالار - مۇستافا شوقاي، ءاليحان بوكەيحان، احمەت بايتۇرسىنوۆ سىندى قايراتكەرلەر مەن ولاردىڭ زامانداستارىنىڭ تاعدىرى تۋرالى باياندالادى.

«ءتۇسىرۋ جۇمىستارى 3 ايعا سوزىلدى. بۇل قازاق حالقىنىڭ بولاشاعى جولىندا جانكەشتى ەڭبەك ەتكەن ءبىرتۋار ازاماتتارى تۋرالى تۋىندى» ، - دەدى م. بيدوسوۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى